काठमाडौं ,१२ भाद्र २०७७
काठमाडौंको मीनभवनस्थितसिभिल अस्पतालका कर्मचारीहरु सेवा सुविधा नपाएको भन्दै फेरी आन्दोलनमा उत्रिएका छन्। कर्मचारीहरुले आफ्ना सेवा सुविधाहरु पटकपटक लिखित माग पत्र बुझाएपनि मागहरूको सम्बन्धन व्यवस्थापनले पहल नगरेपछि आन्दोलित कार्यक्रमहरु स्वरुप अस्पतालको मूलढोकामा माग लेखिएको ब्यानर झुण्डाइएको र मिति २०७७/ ५/ १२गते शुक्रबार सम्म पनि व्यवस्थापनले कुनै जानकारी नआएकोले आन्दोलन गर्न बाध्य हुनुपरेको कर्मचारी सङ्घका अध्यक्ष सन्तोष धिमालले जानकारी दिए। अस्पताललाई असर पर्ने नगरी भाद्र १४ गते आईतबार बिहान १० बजेदेखि कर्मचारीहरु कालोपट्टी बाधेर सेवा प्रवाह गर्दै आन्दोलनका थप कार्यक्रम गर्ने गरी मूलढोका अगाडि उपस्थित हुन निर्णय गरेको धिमालले जानकारी दिए।
धिमालका अनुसार आफ्ना मागहरु पूरा नभए थप आन्दोलनका कार्यक्रमहरु अगाडि बढाउने चेतावनी पनि दिएका छन। यस्तो कोरोना महामारीले विश्व नै आक्रान्त भएको अवस्थामा स्वास्थ्य जस्तो अति संवेदनशील क्षेत्रमा कार्यरत कर्मचारी माथि गरेको शोषण श्रम शोषण विरुद्ध सम्पूर्ण कर्मचारीहरुलाई एकजुट हुन आह्वान दिएको पनि धिमालले बताए।
स्थायीका लागि मौका परीक्षामा सामेल गराउनु पर्ने लगायतका माग रहेका छन।
