धनगढी, १० पौष २०७७
सुदूरपश्चिम प्रदेश सामाजिक बिकास मन्त्रालय , स्वास्थ्य निर्देशनालय राजपुर डोटीको आयोजनामा धनगढी कैलालीमा उपेक्षित तथा किटजन्य. रोगको वार्षिक समिक्षा शुरु भएको छ ।
सुदूरपश्चिम प्रदेश अन्तरगतका नौ वटै जिल्लाका स्वास्थ्य कार्यालय प्रमुख , कार्यक्रम हेर्ने फोकल व्यक्ति र तथ्यांक हेर्ने कर्मचारीहरुको सहभागिता रहेको दुई दिने समिक्षा कार्यक्रममा प्रदेश भित्र बिगत तिन आ. ब. मा देखा परेको औँलो , कालाजार , हात्तीपाईले , डेंगु , चिकनगुनिया , जापानिज इन्सेफलाईटिस, स्क्रब टाईफस , लगायतका रोगहरुको अवस्था सम्बन्धि समिक्षा गरिने , कार्यक्रम संचालन गर्दा देखिएका समस्या पहिचान गरिने , समस्या समाधानका उपाय बारे छलफल गर्ने तथा आगामी वर्षको लागि योजना तर्जुमा गरिने गरि कार्यक्रम तर्जुमा गरिएको छ ।
कार्यक्रमको उद्घाटन सत्रमा स्वास्थ्य निर्देशनालय राजपुर डोटीका स्वास्थ्य निर्देशक डा. गुणराज अवस्थी , सामाजिक बिकास मन्त्रालयका नीति ,कानून, मापदण्ड, योजना तथा जनस्वास्थ्य महाशाखा प्रमुख श्री नरेन्द्र सिंह कार्की , सामाजिक बिकास मन्त्रालयका चिकित्सा महाशाखाका डा. चेत राज जोशी , सामाजिक बिकास मन्त्रालयका जनस्वास्थ्य अधिकृत श्री रमेश कुँवर लगायत नौ वटा स्वास्थ्य कार्यालय प्रमुख सहितको सहभागिता रहेको छ ।
दुई दिने समिक्षा कार्यक्रमको उद्घाटन सत्रमा स्वास्थ्य निर्देशनालय राजपुर् डोटीका जनस्वास्थ्य अधिकृत ओम प्रकाश जोशीले कार्यक्रम सहभागी सबैलाई स्वागत गर्नुका साथै कार्यक्रमको उद्देश्य माथि प्रकाश पार्नु भएको छ । उँहाले कार्यक्रम संचालन अवधि भर सुदूरपश्चिम प्रदेशमा बिगत तिन आ. ब. मा देखा परेका किटजन्य रोगको तथ्यांक प्रमाणीकरण सम्बन्धि छलफल हुने , कार्यक्रम संचालन गर्दा देखा परेका समस्याबारे छलफल हुने र समाधानका उपायहरु समेत पहिल्याउने कुरा बताउनु भएको छ ।
कार्यक्रममा सामाजिक बिकास मन्त्रालयका नीति, कानून ,मापदण्ड, योजना तथा जनस्वास्थ्य महाशाखा प्रमुख श्री नरेन्द्र सिंह कार्कीले सुदूरपश्चिम प्रदेश किटजन्य रोगको प्रभाव अन्य प्रदेशको तुलनामा धेरै नै रहेको हुनाले आर्थिक बर्ष २०७७/०७८ का निर्धारित क्रियाकलाप समयमै सम्पदान गरि रोगको भार घटाउन मद्दत पुग्ने र कार्यक्रम लक्षित क्रियाकलाप गर्नुपर्ने र हाल प्राप्त कार्यक्रमले नपुग भएमा र नगरी नहुने कार्यक्रम भएमा थप नयाँ कार्यक्रम तय गरि सामाजिक बिकास मन्त्रालयमा माग गर्न समेत स्वास्थ्य कार्यालयलाई भन्नु भएको छ ।
काय्रक्रम उद्घाटन सत्रको अध्यक्ष तथा सुदूरपश्चिम प्रदेश स्वास्थ्य निर्देशक डा. अवस्थी ज्युले समिक्षा कार्यक्रममा सहभागीहरुलाई स्वास्थ्य निर्देशनालयको तर्फ बाट धन्यबाद दिदै पन्ध्रौ पन्च बर्षीय योजना , सहश्राब्दी बिकास लक्ष्य , नेपाल स्वास्थ्य क्षेत्र रणनीतिक योजना लगायत अन्यले बिभिन्न योजनाले बिभिन्न लक्ष्य प्राप्ति गर्नका स्वास्थ्यका सूचकांक निर्धारण नेपाल सरकारले गरेको छ ।नेपाल सरकार , प्रदेश सरकार , स्थानीय तहले निर्धारण गरेको लक्ष्य , उद्देश्य , प्राप्तिका लागि सबैले समयमै काम सम्पन्न गरि सक्नु पर्ने बताउनु भएको छ ।
डा. अवस्थीले सुदूरपश्चिम प्रदेशमा किटजन्य रोगको भार धेरै भएको हुनाले किट हरुको अध्ययन गर्न प्रदेश सरकारको पहलमा कंचनपुरमा इन्टोमोलोजी. ल्याब स्थापना गरेको , किटनाशक झुलको प्रभावकारी प्रयोग र वितरणको लागि स्वास्थ्य कार्यालयको तर्फ बाट बहस , पैरवी गर्नुपर्ने , ज्वरो आएका बिरामीहरुको औँलोको जाँच गर्न छुटाउन नहुने , डी एच आइ एस २ मा समयमै प्रतिबेदन इन्ट्री गर्नु पर्ने ,eLMIS, EWARS, Covid 19 को IMU Application आदि प्रतिबेदन गर्ने रिपोर्टिंग प्रणाली बिकास भएको हुनाले यी रिपोर्टिंग प्रणालीमा समयमै प्रतिबेदन प्रबिष्टि गर्नको लागि सम्पूर्ण स्वास्थ्य प्रणालीले जोड दिनु पर्ने बताए । सुदूरपश्चिम प्रदेशको मेगा प्रोजेक्टको रुपमा शुरुवात भएको ग्रामिण अल्ट्रासाउन्ड कार्यक्रमले हाल सम्म १५ हजार गर्भवती महिला हरुको स्वास्थ्य जांच भएको र त्यसमध्ये ५ सय जति गर्भवती महिलाहरुको जोखिममा रहेको गर्भ पहिचान भएको र ती महिला बाट जन्मिने बच्चाको ज्यान जोगाउन सकिएको समेत कार्यक्रममा स्वास्थ्य निर्देशक डा. अवस्थीले बताउनु भएको छ ।
वार्षिक समिक्षा कार्यक्रम मा ASCEND कार्यक्रम को आर्थिक तथा प्राबिधिक सहयोग समेत रहेको छ ।
Comments 1