काठमाडौं , ३० जेठ
पछिल्लो चौविस घण्टामा देशका विभिन्न जिल्लामा गरी थप ४४८ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले आज गरेको नियमित कोरोना ब्रिफिङ मा प्रवक्ता डा जागेश्वर गौतमले ४२४ पुरुष र २४ महिला गरी ४४८ जनामा कोरोना संक्रमण देखिएको बताए ।
देशभर कोरोना संक्रमितकोसंख्या ५ हजार ६२ पुगेको छ । जसमा ४ हजार ७०९ पुरुष छन् भने ३५३ महिला रहेका छन् ।
देशभर कोरोना संक्रमणबाट मृत्यु हुनेको संख्या १६ पुगेको छ ।
हालसम्म देशभरका विभिन्न अस्पतालमा कोरोना संक्रमणको उपचारपछि ८७७ जना डिस्चार्ज भएका छन् ।
देशभर हालसम्म एक लाख २१ हजार ८६२ पीसीआर परीक्षण गरिएको छ भने एक लाख ८८ हजार ५२ आरडीटी परीक्षण गरिएको छ । पछिल्लो २४ घण्टामा ५ हजार ९२५ पीसीआर परीक्षण गरिएको छ ।
देशरभका क्वारेन्टाइमा एक लाख ५८ हजार ५० मानिसहरु रहेका छन् भने आइसोलेसनमा ४ हजार १६९ कोरोना संक्रमित रहेका छन् ।
