कोरोना भाइरसको संक्रमण अहिले सम्म नभएको प्रयोगशालाका सूचना अधिकारी गुप्ताको स्पष्ट/corona virus

काठमाडौं चैत्र ३,२०७६

नेपालमा अहिलेसम्म कोरोना भाइरसको कुनै संक्रमण नभएको राष्ट्रिय जनस्वास्थ्य प्रयोगशालाका सुचना अधिकृत राजेश कुमार गुप्ताले जानकारी दिएका छन।हिजो अर्थात आइतबार  विहान केही मिडिया अनलाइनहरुले नेपालमा पनि कोरोना भाइरस देखियो भन्दै  जनतालाई भ्रामक पारेका थिए।

नेपालमा कोरोना भाइरसको कुनै संक्रमण नभएको राष्ट्रिय जनस्वास्थ्य प्रयोगशालाले जनाएको छ । आइतबार विहान केही अनलाइनहरुले नेपालमा पनि कोरोना भाइरस देखियो भन्दै खबर सप्रेषण गरेका थिए ।

प्रयोगशालाका सूचना अधिकारी राजेश कुमार गुप्ताका अनुसार नेपालमा हालसम्म कोरोना भाइरसको संक्रमण नभएको स्पष्ट पारे । ‘जनस्वास्थ्य प्रयोगशालामा अहिलेसम्म ४५६ जनाको परीक्षण भइसकेको छ । ती सबैको रिपोर्ट नेगेटिभ आएको छ । अहिले थप ८ जनाको परीक्षण भइरहेको छ । यसको रिपोर्ट बेलुकासम्म आउँछ । त्यसैले अहिले कोरोना देखियो भन्नु भ्रम फिजाउने र आतंक सिर्जना गर्ने कार्य हो । कृपया यस्तो नगरौँ ,’ उनले भने ।

शनिबार प्रयोगशालामा  नेपालगञ्जबाट  १, पोखराबाट आएको २ र ५जना  काठमाडौँको गरी ८ जनाको कोरोना परीक्षण भइरहेको छ ।

चीनबाट शुरु भएको कोरोनाको प्रकोप अहिलेसम्म संसारका  ५ हजार ८०१ जनाको ज्यान गईसकेको छ । कोरोना संक्रमणपछि निको हुनेको संख्या ७५ हजार ५५९ पुगेको छ ।

नेपालमा पनि पहिलो केस पोटेटिभ देखिएको थियो । तर सो नेगेटिभ आएको छ । चीनबाट आएको एक जना नेपाली विद्यार्थीबाट कोरोना आंशकामा नमुना संकलन गरी परीक्षणका लागि १३ जनवरीमा हंङकङ पठाएको थियो । सो केशको १० दिनपछि रिपोर्ट आउँदा पोजेटिभ देखिएको थियो । तर त्यसयता कुनै पनि केस पोजेटिभ आएको छैन् ।

Next Post
ADVERTISEMENT