पाल्पा ,१२ चैत्र २०७७
रिब्दीकोट गाँउपालिका, पालुङ्गमैनादी आयुर्वेद औषधालय पाल्पाको आयोजनामा योग प्रशिक्षण कार्यक्रम रिब्दीकोट गाँउपालिकाको सभाहलमा मिति २०७७/१२/१० गते देखि २०७७/१२/१२ गते सम्म सन्चालन भएको थियो ।
उक्त योग प्रशिक्षण एक भब्य कार्यक्रमका विच उद्घाटन गरि शुरु भएको थियो। रिब्दीकोट गाँउपालिकाका अध्यक्ष श्री नारायण बहादुर जि सि को अध्यक्षतामा उद्घाटन भएको उक्त कार्यक्रममा रिब्दीकोट गाँउपालिकाका उपाध्यक्ष श्री लक्ष्मी खनालको विशिष्ट आतिथ्यता, प्रमुख प्रशासकिय अधिकृत श्री प्रेमचन्द्र अर्याल, लेखा अधिकृत श्री मन्जु पन्थी, पाल्पा आयुर्वेद स्वास्थ्य केन्द्रका बरिष्ठ कविराज निरिक्षक श्री माधव प्रसाद वस्याल, जि स स सदस्य एव योग प्रशिक्षक कमला थापा तथा रिब्दीकोट गाँउपालिकाका विभिन्न वडाका वडाअध्यक्षहरु तथा सदस्यहरुको आतित्थ्यता साथै समाजसेवी, कर्मचारी लगायतको सहभागितामा थियो ।
कार्यक्रममा पालुङ्गमैनादी आयुर्वेद औषधालयका प्रमुख डा रोमहर्ष नेपाल, पाल्पा आयुर्वेद स्वास्थ्य केन्द्रका बरिष्ठ कविराज निरिक्षक श्री माधव प्रसाद वस्याल तथा योग प्रशिक्षक कमला थापाले सहभागीहरुलाइ रिब्दीकोट गाँउपालिकाको सभाहलमा प्रशिक्षण दिनुभएको छ । उक्त कार्यक्रममा रिब्दीकोट गाँउपालिकाका विभिन्न वडाका सहभागीहरुले योगको सैदान्तिक ज्ञान साथै प्रशिक्षक सङ्गै प्रयोगात्मक योग अभ्यास गर्नु भएको थियो।
