काठमाडौं, साउन ५
विश्वमा पछिल्लो २४ घण्टामा २ लाख १८ हजार ३७८ जना कोरोना भाइरस संक्रमित थपिएका छन्। सोही अवधिमा ४ हजार २९६ जनाको मृत्यु भएको छ। मृतक र संक्रमितको संख्या अघिल्लो दिनको तुलनामा केही घटेको छ।
वल्डोमिटर्सको तथ्याङ्कअनुसार थपिएकामध्ये सबैभन्दा धेरै अमेरिकामा ६३ हजार ५८४ जना जना रहेका छन्। सोही समयमा अमेरिका ३९२ जनाको मृत्यु भएको छ। वल्डोमिटर्सको तथ्याङ्कअनुसार ब्राजिलमा २४ हजार ६५० जना संक्रमित थपिएका छन् भने ७१६ जनाको मृत्यु भएको छ।
भारतमा ४० हजार २४३ संक्रमित थपिँदा सोही अवधिमा ६७५ जनाको मृत्यु भएको छ। रुसमा ६ हजार १०९, साउथ अफ्रिकामा १३ हजार ४४९, पेरुमा चार हजार ९०, चिलिमा दुई हजार ८४, मेक्सिकोमा सात हजार ६१५ र पाकिस्तानमा एक हजार ५८० जना संक्रमित थपिएका छन्।
