टेकु अस्पतालमा‌ एक्स्ट्राक्सन किट नहुँदा पिसिआर परिक्षण बन्द

काठमाडौं, २८ वैशाख २०७८

शुक्रराज ट्रपिकल तथा सरूवा रोग अस्पतालले एक्स्ट्राक्सन  किटको अभावका कारण पिसिआर परीक्षण बन्द गरेको छ।

पिसिआर लागि बाहिरबाट आउने भएकाले निषेधाज्ञाका कारण तत्काललाई परीक्षण बन्द गरेको अस्पतालका निर्देशक डा. सागर राजभण्डारीले बताए।

‘निषेधाज्ञा भएपछि बाहिरबाट साम्रगी आउन सकेको छैन,’ डा. राजभण्डारीले भने,‘ केही दिनमा सायद आउँछ होला। अनि नियमित सुचारू गर्नेछौं।’

दिनहुँ टेकु अस्पतालमा ५ सय जनाको पिसिआर परिक्षण हुदै आएको छ।