धनगढी, ४ मंसिर २०८०
कैलालीको धनगढीस्थित रहेको सेती प्रादेशिक अस्पतालले मंसिर ५ गतेबाट सिकलसेल एनमियाको निदानका लागि प्रयोगशाला जाँच निशूल्क गर्ने भएको छ ।
प्रादेशिक अस्पतालले सोमबार एक सूचना जारी गर्दै सिकलसेल एनमिया सम्बन्धि निदानका लागि गरिने प्रयोगशाला जाँच (इलेक्ट्रोफोरोसिस) को निशूल्क गरिने जनाएको हो ।
प्रदेश तथा संघीय सरकारले अस्पताललाई विनियोजन गर्ने बजेट घटाउँदा र अस्पतालको आम्दानीमा कमी आएपछि शुल्क सिकलसेलका विरामीले शूल्क तिरेर जाँच गराउनुपर्ने अवस्था रहेको थियो।अस्पतालले जारी गरेको सूचनामा भनिएको छ-‘अस्पतालको सामाजिक सेवा एकाई ९कोठा नम्बर २४० बाट मंसिर ५ गतेदेखि निशूल्क जाँच गरिने छ।’
सिकलसेल एनिमियाका बिरामीले बाहिर परीक्षण गर्दा महङ्गो शुल्क तिर्नुपर्ने बाध्यता हटाउन भन्दै अस्पतालले आन्तरिक स्रोत तथा प्रदेश र संघ सरकारबाट प्राप्त हुने बजेटबाट स्रोत जुटाएर निःशुल्क परीक्षण गराउने व्यवस्था गरेको जनाएको छ। यसअघि अस्पतालले सिकलसेल परिक्षण गराउने विरामीबाट एक हजार शूल्क लिदै आएको थियो।
