काठमाडौं, १२ बैशाख २०८१
भक्तपुरस्थित सहिद धर्मभक्त राष्ट्रिय प्रत्यारोपण केन्द्रका निर्देशक डा. पुकार चन्द्र श्रेष्ठ सहित प्रशासन बिरुद्धमा कर्मचारी र स्थानीय बासिन्दाहरुले प्रदर्शन गरेको छ।
मंगलबार केन्द्रको १२ औं वार्षिकोत्सब मनाइरहदा प्रत्यारोपण केन्द्रको मुल गेटमै प्ले कार्ड बोकेर कर्मचारी हरुले विरुद्ध प्रदर्शन गरेका छ्न।
प्रत्यारोपण केन्द्रको एकातिर वार्षिकोत्सवको हर्सोल्लास मनाउदै गर्दा अर्कोतर्फ कर्मचारी र स्थानीयहरुले भ्रष्टाचार र बेथिति विरुद्ध प्लेकार्डमा नारा लेखेर प्रदर्शन छ्न।
केन्द्रका निर्देशकसहित केन्द्र प्रशासनविरुद्ध केही स्थानीयले अस्पतालको सेवा सुधार, अस्पताललाई अनियमितताबाट मुक्त राख्नुपर्ने, अस्पतालमा थन्किएका उपकरण प्रयोगमा ल्याउनु पर्ने, प्रशासनिक सुधार लगायतका माग राखेर आन्दोलन गरेका हुन्।
केन्द्र परिसरमा आन्दोलनरत पक्षले प्ले कार्डसहित अस्पताल प्रशासन विरुद्ध ‘भ्रष्टाचार मुक्त अस्पताल बनाउ’, ‘प्रशासनिक अधिनायकबाद अन्त्य गर’, ‘सेवा रोकेर धेरै मरिसके, अझै कतिजना अरु’, ‘म मुटु रोगबाट पीडित मेरो उपचार भएन’, ‘म कलेजो रोगबाट पीडित मेरो उपचार भएन’, ‘म नसा रोगबाट पीडित मेरो उपचार भएन’ लगायतका नारा लगाएका थिए।
डा. पुकारचन्द्र श्रेष्ठले कमिसनका लागि उपकरण किन्दै थन्काउँदै गरेको स्थानीयहरुको आरोप छ। एक स्थानीयका अनुसार अस्पतालमा करोडौंका उपकरण खरिद गरेर वर्षौ बित्दा सम्म नचलाइ थन्किएका राखेको छ। अस्पतालमा इन्ट्रा एरोटिक बलुन पम्प, हर्ट लंग मेसिन, क्याथ ल्याब, एक्मो लगायतका मुटु, कलेजो, नसा लगायतका बिरामीको उपचारमा प्रयोग हुने करोडौंका उपकरण थन्काएर राखेको भन्दै विरोध कार्यक्रम गर्नु परेको आन्दोलनरत पक्षको भनाई छ।
डा. पुकार चिकित्सकीय रुपमा राम्रो भए पनि प्रशासनिक नेतृत्वमा भने कमजोर रहँदा अस्पतालमा समस्या आएको बताउँछन्। अस्पताल चलाउने सक्ने नेतृत्वमा हुनुपर्ने क्षमता भने उहाँमा देखिएन। यही कारणले अस्पतालमा सँधै समस्या आइरहेको ती स्थानीयले बताए।
डा. पुकारले आफू सहित डा. कल्पना श्रेष्ठ र डा. दिपेश श्रेष्ठको मात्रै केन्द्रमा नाम बोर्ड राखेर केद्रलाई परिवारिक रूपमा चलाउन खोजेको केन्द्रका एक कर्माचारीको भनाई छ।
डा. पुकारले आफ्नै भान्जा नाता पर्ने डा. दिपेश श्रेष्ठलाई केद्रको १२ औं वर्षको उपलक्ष्यमा सम्मान गरेको छ। उमेरको हदम्याद नाघिसकेका डा. पुकार राजनीतिकका कारण कार्यकारी निर्देशकको पद छोडेका छैनन् ।
सरकारले उपलब्ध गराएको भक्तपुरको झउखेलमा रहेको ३१ रोपनी जग्गालाई अझै पनि केद्रले प्रयोगमा ल्याउन नसकेको छैन ।
