डेंगु (Dengue Treatment)
- जुम्ला, ११ चैत्र २०७७
कर्णाली स्वास्थ्य विज्ञान प्रतिष्ठान जुम्ला जन-स्वास्थ्य महाविद्यालय अन्तर्गत जनस्वास्थ्य स्नातक तह दोस्रो वर्ष। (ग्रुप बि ) मा अध्ययनरत विद्यार्थीहरु द्वारा फागुन १२ गतेदेखि सामुदायिक स्वास्थ्य निरुपण कार्यक्रम सम्पन्न भएको छ। चैत्र १० गते सम्पन्न भएको उक्त कार्यक्रममा वडा नं. ४ मा गरिएको स्वास्थ्य सम्बन्धी नमूना सर्वेक्षणबाट विभिन्न १० वटा प्रमुख स्वास्थ्य समस्याहरु खोज अनुसन्धान गरेको छ।
जसमा जीवनजल बनाउने तरिका, खानेपानी शुद्धिकरण, घरबाट निस्कने फोहर व्यवस्थापन रहेको छन्। यसैगरी कम उमेरमा विवाह तथा गर्भवती हुने समस्या, घरभित्रको हावा प्रदुषण, खाद्य विविधता तथा कुपोषण सम्बन्धी समस्याहरु रहेका छन्।
कार्यक्रमका प्रमुख अतिथि एवं आठबिस नगरपालिकाका नगरप्रमुख समेत रहेका खड्क राज उपाध्यायले विद्यार्थीहरुले सङ्कलन गरेको तथ्यांकलाई आधार बनाएर स्वास्थ्य सम्बन्धि अर्को आर्थिक वर्षको योजनामा समेट्ने प्रतिबद्धता गर्नुभयो । नगरपालिकाका उपमेयर दिपा बोहराले अगामी स्वास्थ्यको योजना समेट्ने घोषणा गर्नुभएको छ। विद्यार्थीहरुले तीनवटा मुख्य प्राथमिकतामा परेका समस्याहरूलाई सूक्ष्म स्वास्थ्य परियोजना मार्फत समाधानको प्रयास गरिएको थियो।
तीनवटा विषयहरु जीवनजल सही तरिकाले बनाउने ,खाद्य विविधता सम्बन्धी अभ्यास र क्षयरोग तथा डट्स सम्बन्धीको ज्ञान रहेको थियो। स्वास्थ्य शाखा प्रमुख देवराज तिमिल्सिनाले यस नगरपालिकामा कार्यक्रम गरिदिएकोमा र प्रमुख १० समस्याहरु औल्याउनु भएकोमा धन्यवाद दिनुभयो।
