काठमाडौं, २९ साउन २०७९
निजी अस्पतालहरुको छाता संस्था एशोसियसन अफ प्राइभेट हेल्थ इन्स्टिच्युसन अफ नेपाल (अफिन) मा नयाँ कार्यसमिति चयन भएको छ।
शनिबार भएको २२औं साधारण सभाले डा. पदम खड्काको अध्यक्षतामा नयाँ कार्यसमिति चयन गरेको हो।
अध्यक्षका लागि कुमार थापा र कास्की सेवा अस्पतालका डा. पदम खड्का बीच प्रतिस्पर्धा भएको थियो।
साधारण सभाले वरिष्ठ उपाध्यक्षमा राप्ती लाइफ केयर अस्पताल तुलसीपुरका हरि प्रसाद रिजाललाई चयन गरेको छ।
प्रदेश उपाध्यक्ष अन्तर्गत नेशनल हस्पिटल एण्ड क्यान्सर रिसर्च सेन्टरका (वागमती) प्रदेशबाट प्रा. श्यामकृष्ण जोशी, गुरुङ्ग हस्पिटल प्रालि (कर्णाली) बाट भिम बहादुर गुरुङ्ग, (सुदुरपश्चिम) बाट पद्मा अस्पताल प्रा.लि.का गजेन्द्र वीर चन्द, कौशिला मेमोरियाल अस्पताल (लुम्बिनी) बाट चन्द्र बहादुर महतो र तनहुँ सेवा हस्पिटल (गण्डकी) बाट, हरि बहादुर खड्का विजयी भएका छन्।
महासचिवमा सुमेरू अस्पतालका हेमराज दाहाल निर्विरोध निर्वाचित भए। उनी यसअघि पनि महासचिव थिए।
कोषाध्यक्षमा पनि पुन: स्वरूपा श्रेष्ठ निर्विरोध चयन भएकी छिन।
सचिवमा विजयपुर हस्पिटल प्रालिका पंकज खतिवडा निर्वाचित भएका छन्।
सदस्यहरूमा सिद्धार्थनगर सिटी हस्पिटलका अर्जुन पौडेल, कैलाली हस्पिटलका जनक राज जोशी, ब्लुक्रस हस्पिटलकी सतिदेवी गौतम सिंह, इशान बाल तथा महिला अस्पतालका डा. रामानन्दन प्रसाद चौधरी, ग्रिनसिटी हस्पिटलका रेनुका गुरुङ्ग, तुलसी बाल अस्पतालका डा. किशोर खत्री, माया मेट्रो हस्पीटलका धिरेन्द्र साउँद र पर्वत कुश्मा हस्पीटलका सुशिल पौडेल निर्वाचित भएका छन्।
