काठमाडौं , २९ जेठ
नेपालमा पछिल्लो २४ घण्टामा २५० जना कोरोना संक्रमित थपिएका छन । तीमध्ये २३० जना पुरुष र २० जना महिला रहेका छन् ।
स्वास्थ्य तथा जनसंख्या मन्त्रालयद्धारा कोरोना भाइरस सम्वन्धि नियमित ब्रिफिङमा प्रवक्ता डा. जागेश्वर गौतमले सो जानकारी दिएका हुन् । नयाँ संक्रमितहरु बाँके, रोल्पा , जनकपुर, झापा, ,रुपन्देही चितवन, सप्तरी, दैलेख, सुर्खेत, नवलपरासी, सर्लाही, कपिलवस्तु, धादिङ लगायतका जिल्लाहरु रहेका छन ।
यो संगै देशभर कुल संक्रमितको संख्या ४ हजार ६१४ पुगेको छ । जसमा ४ हजार २८५ जना पुरुष र ३२९ जना महिला रहेका छन् ।
यसै गरी पछिल्लो चौविस घण्टामा विभिन्न अस्पतालमा उपचार गराएका १८७ जनाले कोरोना पराजित गरि डिस्चार्ज भएका छन् । तीमध्ये १७९ जना पुरुष र ८ जना महिला रहेका छन् । यो संगै कुल डिस्चार्ज हुनेको संख्या ८६१ पुगेको छ ।
देशभर कोरोना संक्रमणबाट मृत्यु हुनेको संख्या १५ रहेको छ ।
