धनगढी, १६ साउन २०७९
कैलालीको धनगढीमा सोमबारदेखि प्रहरी अस्पताल सञ्चालनमा आएको छ।
धनगढी उपमहानगरपालिकाको वडा नम्बर ३ मा रहेको सुदूरपश्चिम प्रहरी विद्यालयको हाताभित्र उक्त अस्पताल खोलिएको मेयर गोपाल हमालले बताउनुभयो।
प्रदेश प्रहरी कार्यालयले दीपायलमा सञ्चालन गरेको अस्पतालको शाखा धनगढीमा पनि खुलेको र सर्वसाधारणले समेत सेवा पाउनेगरी अस्पताल सञ्चालन गरेको मेयर हमालले बताउनुभयो।
प्रहरी अस्पतालको सोमाबार नेपाल प्रहरीका महानिरीक्षक धिरज प्रताप सिंहले उद्घाटन गरेका छन्।
अस्पताल उद्घाटन कार्यक्रममा धनगढीका मेयर गोपाल हमाल तथा अन्य सरोकारवाला हरुको सहभागिता रहेको थियो।
उक्त अस्पतालले आजैबाट सेवा सुरु गर्ने बताइएको छ। विशेषज्ञसहितको सेवा दिने उक्त अस्पतालबाट केही समयपछि शल्यक्रिया सेवा समेत प्रदान गर्ने योजना रहेको छ।
