ललितपुर, १७ असार २०८०
ललितपुरको लुभुस्थित नेपाल स्वास्थ्य प्राविधिक संघको स्थापना दिवसका अवसरमा ‘निःशुल्क आँखा तथा डेन्टल क्याम्प’ गरिएको छ।
नेपाल स्वास्थ्य प्राविधिक संघको आयोजना र महालक्ष्मी नगरपालिकाको सहयोगमा उक्त शिविर सम्पन्न भएको हो।
उक्त शिविरवाट आँखा तर्फ १०९ र दन्त तर्फ ९५ जना गरि जम्मा २१४ जनालाई सेवा प्रदान गरिएको छ। सो शिविरमा नेपाल नेत्र ज्योति संघ, किर्तिपुर आँखा अस्पताल तथा अध्ययन केन्द्र र संजीवनी डेन्टल होम प्रा.लि. ले प्राविधिक सहयोग गरेका थिए। प्रमुख अतिथिको मन्तब्य राख्नुहुदै मेयर हरि गोविन्द श्रेष्ठले पंचायतकालमा स्थापना भएको यो संस्थालाई स्वास्थ्यका सबै संगठनको छाता संगठनको रूपमा विकास गर्नुपर्ने, स्थापना काल देखि हालसम्मका उपलब्धि समेटेर बुकलेट निकाल्न समेत सुझाव दिए।
महालक्ष्मी नगरपालिका वडा न ८ स्थित लुभु प्राथमिक स्वास्थ केन्द्रमा सञ्चालन भएको उक्त कार्यक्रममा संघका सल्लाहकार तथा स्वास्थ सेवा विभाग टेकुका वरिष्ठ जनस्वास्थ प्रशासक केदार पराजुलीले यसको इतिहास, हाल सम्म गरिएका कार्यक्रम र आगामी दिनमा यस संघले खेल्नुपर्ने भूमिकाको वारेमा स्पष्ट पारेका थिए।
उक्त कार्यक्रम संघका केन्द्रीय अध्यक्ष बसन्त श्रेष्ठको अध्यक्षता भएको थियो भने महासचिव श्याम कुमार ओली तथा लगायतको उपस्थिती रहेको थियो भने शिविरको संयोजन संघका उपाध्यक्ष माइकल देवकोटाले गरेका थिए।महालक्ष्मी नगरपालिका मेयर हरि गोविन्द श्रेष्ठको प्रमुख आतिथ्यतामा कार्यक्रम सम्पन्न भएको थियो।
