काठमाडौं, ०२ माघ २०७८
बसुन्धरा स्थित ईशान बाल तथा महिला अस्पतालमा दोस्रो पटक १३ बर्षकी सोनी कुमार पटेलको प्यान्क्रियाजको सफल शल्यक्रिया भएको छ।
पटेलको जटिल शल्यक्रिया गर्न करिब ७ घण्टा लागेको र ७ दिनमा सकुशल डिस्चार्ज गरिएको छ।
नानीको शुरुमा नेपाल मेडिकल कलेजमा उनी १० दिन सम्म भर्ना भएर प्राथमिक उपचार भएको थियो ।
ईशान बाल तथा महिला अस्पतालले थप जाचँ गरेपछि यस्तो रोगको लक्षण देखापरेको अस्पतालका निर्देशक एवं वरिष्ठ बालरोग विशेषज्ञ डा. रामानन्दन प्रसाद चौधरीले बताए।
डा. चौधरीका अनुसार यस्तो किसिमको रोग ( Pancreatic Head Tumor ) बच्चामा निकै कम र ठुलो मान्छेमा बढी हुने गरेको छ। नानीको यस जटिल र ज्यान जोखिम सफल शल्यक्रिया पश्चात उहाँको समस्त परिवार खुसी भएका छन्।
यो रोग बच्चामा ४० लाखमा १ जना भन्दा कममा हुन्छ। उहाँको इन्डोस्कोपी बाट गरिने भिडियो एक्सरे पनि गरिएको थियो।
उहाँलाई एक महिना देखि निक्कै नै पेट दुख्ने, वान्ता हुने र खाना नरुच्ने जस्ता समस्याबाट पीडित थिइन।
प्रा. डा. रामानन्दन प्रसाद चौधरीको नेतृत्वमा डा. राकेश कुमार शाह, डा. सन्जय कुमार शाह, डा. अकानन्द शाह,
बेहोस गर्ने डा. किरण मगर सहित अप्रेसन थ्रेटर र पि. आई.सि.युका नर्सहरु मिलेर सफल शल्यक्रिया गरेको थियो।
