काठमाडौं, १४ चैत २०७८
नेपाल दृष्टि विशेषज्ञ संघको १६ औं साधारण सभाबाट विशेषज्ञ संघका पूर्व अध्यक्ष तथा वरिष्ठ दृष्टि विशेषज्ञ सञ्जिव कुमार मिश्र दृष्टि विशेषज्ञ संघ अवार्डबाट सम्मानित भएका छन्।
स्थापना काल देखि सक्रिय रहदै आएका मिश्र वर्तमान सल्लाहकार समेत हुनुहुन्छ। उहाँको नेपाल स्वास्थ्य व्यवसायी परिषदमा दृष्टि विशेषज्ञको आचार संहिता ल्याउनमा अग्रिम भुमिका निर्वाह गरेका थिए।
मिश्र अप्टोमेट्री हक हितको लागि मन्त्रालय विभाग, राष्ट्रिय तथा अन्तर्राष्ट्रिय स्तरमा वकालत गर्दै आउनुभएको छ।
मिश्र बीपी कोइराला नेत्र अध्ययन केन्द्र बी अप्टो प्रोगाम संयोजक पनि हुनुहुन्छ। मिश्र अध्यक्ष भएको कार्यकालमा नेपालमा पहिलो चोटी अन्तर्राष्ट्रिय अप्टोमेट्री सम्मेलन पनि गरेका थिए।जसको सम्मेलनका प्रमुख मिश्र थिए।
नेपालमा निरन्तर अप्टोमेट्रीको शिक्षा (COE) को अवधारणा पनि उहाँकै प्रयासमा भएको थियो।
