काठमाडौं,१५ कार्तिक २०७७
पछिल्लो २४ घण्टामा देशभर २५०८ जनामा कोरोना संक्रमण देखिएको छ । स्वास्थ्य मन्त्रालयले अध्यावधिक गरेको विवरण अनुसार थप २५०८ मा संक्रमण पुष्टि भएको हो ।
काठमाडौं उपत्यकामा मात्रै १ हजार ३५७ संक्रमित थपिएका छन् । स्वास्थ्य मन्त्रालयले अध्यावधिक गरेको विवरण अनुसार काठमाडौं उपत्यकामा ५६९ महिला तथा ७८८ पुरुष गरि कुल १ हजार ३५७ संक्रमित थपिएका छन् ।
पछिल्लो २४ घण्टामा कोरोनामुक्त भई डिस्चार्ज हुनेको संख्या २ हजार २६४ रहेको छ । हालसम्म कोरोना संक्रमणमुक्त हुनेको संख्या १ लाख ३१ हजार २२२ रहेको मन्त्रालयले जनाएको छ ।
२४ घण्टामा १७ जना कोरोना संक्रमितले ज्यान गुमाएका छन् । नेपालको कोरोना संक्रमणबाट मृत्यु हुनेको संख्या ९३७पुगेको छ ।
जम्मा संक्रमितको संख्या १ लाख ७० हजार ७४३ पुगेको छ । देशभर सक्रीय संक्रमितको संख्या ३८ हजार ५८४ रहेको स्वास्थ्य मन्त्रालयले जानकारी दिएको छ ।
