✍️ नमराज भट्ट
काठमाडौं , १ श्रावण
आज एकै दिन यूएईबाट मात्रै पाँच उडानमार्फत नेपाली स्वदेश फर्कने भएका छन् ।
आज यूएईको दुबई राज्यबाट नेपाल एयरलाइन्सका दुई जहाजमार्फत नेपाली स्वदेश स्वदेश फर्कंदै छन् । दुबईबाट नेपाली लिएर आएको नेपाल एअरलाइन्सको एउटा जहाज केही बेर अघि विमानस्थलमा अवतरण गरेको छ भने आबुधाबीबाट आएको हिमालय एयरलाइन्सको जहाज पनि विमानस्थलमा अवतरण गरेको छ ।
आबुधाबीबाटै हिमालय एअरलाइन्सको अर्को जहाज पनि त्यहाँ समस्यामा रहेका नेपाली लिएर आउँदैछ ।
आज हङ्कङबाट पनि नेपाली स्वदेश फर्कंदै छन् । आजै नेपाल एअरलाइन्स र हिमालय एअरलाइन्सका पाँच जहाज साउदी जाँदैछन् । नेपाल एअरलाइन्सका दुई जहाज साउदीको रियाद र दमाम जाँदैछन् भने हिमालय एअरलाइन्सका दुई जहाज दमाम र एक जहाज रियादमा नेपाली लिन जाँदैछन् ।
