काठमाडौं, १० फागुन २०८१
मनमोहन मेमोरियल इन्स्टिच्यूट अफ हेल्थ साइन्सेजको १८औं बार्षिकोत्सव सम्पन्न भएको छ ।
बिहीबार संस्थाका अध्यक्ष डा. बशिंधर मिश्रको अध्यक्षतामा सम्पन्न उक्त कार्यक्रमको प्रमुख अतिथि स्वास्थ्य तथा जनसंख्या मन्त्री प्रदिप पौडेल रहेका थिए ।
उक्त अवसरमा मन्त्री पौडेलले नेपालका पूर्वप्रधानमन्त्री मनमोहन अधिकारीको नाममा स्थापित यस क्याम्पसले उत्पादन गरेको जनशक्तिले स्वास्थ्य क्षेत्रमा महत्वपूर्ण योगदान पुर्याएको चर्चा गर्दै गुणात्मक शिक्षा अभिबृद्धिमा संस्थाले प्राप्त गरेको उच्च सफलताको प्रंशसा गरेका थिए । 
मन्त्री पौडेलले स्वास्थ्यमन्त्रीको हैसियतमा स्वास्थ्य बीमा कार्यक्रम जनस्तरमा पुर्याउने योजना भएको धारणा राखे । कार्यक्रममा संस्थापक अध्यक्ष तथा प्रतिनिधि सभा सदस्य राजेन्द्रप्रसाद पाण्डेले संस्थाले ३ पटक राष्टिय रुपमा उत्कृष्ट पुरस्कार र विश्वविद्यालय अनुदान आयोगबाट क्यूएएको प्रमाणपत्र प्राप्त गरेकोले संस्थाले उच्च शिक्षामा महत्वपूर्ण खुड्किला पार गरेको बताए ।
संस्थाका उपाध्यक्ष जीवनप्रकाश शर्माले नव आगन्तुक बिद्यार्थीहरुलाई स्वागत र बिदाई हुन लागेका बिद्यार्थीहरुलाई आगामी यात्राको शुभकामना दिंदै चिकित्सा शिक्षाको लागि नेपाल उर्वर भूमि भएकाले चिकित्सा शिक्षा ऐनका केहि प्रावधानहरु शंसोधन गर्नुपर्ने आवश्यकता औल्याए ।
कार्यक्रममा चिकित्सा शास्त्र अध्ययन संस्थान महाराजगंजका सहायक डीन प्रा. तक्मा केसीले बार्षिकोत्सव कार्यक्रमको सफलताको शुभ कामना दिनुभयो। मदन भण्डारी स्वास्थ्य बिज्ञान प्रतिष्ठानका डीन प्रा. दुर्गा मिश्रले बिद्यार्थीहरु पठनपाठनका अतिरिक्त खेलकुद तथा साँस्कृतिक कार्यक्रममा पनि उत्साहपूर्वक लाग्नुपर्ने बताइन् ।
संस्थाका उपाध्यक्ष ई. गम्भीरलाल श्रेष्ठले कार्यकममा उपस्थित प्रमुख अतिथि लगायत अन्य अतिथिहरुलाई धन्यवाद दिदै संस्थाले प्राप्त गरेका महत्वपूर्ण शैक्षिक उपलब्धिहरुको जर्गेना गर्नुपर्ने बताए । सो अवसरमा मनमोहन मेमोरियल मेडिकल कलेज तथा शिक्षण अस्पतालको प्रमुख कार्यकारी निर्देशक डा. नास्तु शर्माले अस्पतालले गुणस्तरिय सेवा प्रदान गरिरहेको बताइन् ।
क्याम्पस प्रमुख डा. धर्मप्रसाद खनालले स्वागत मन्तव्य व्यक्त गर्दै क्याम्पसले हालसम्म २२०० दक्ष जनशक्ति उत्पादन गरिसकेको बताए । चिकित्सा शिक्षा आयोगका कावा उपाध्यक्ष प्राडा. सुजनवावु मरहट्टाले चिकित्सा शिक्षाका केहि बिद्यामा बिद्यार्थी संख्या घट्दै गएकोले विश्वबजार अनुकुल प्रविधि मैत्री पाठ्यक्रम बनाउन पर्ने बताए ।
कार्यक्रमलाई समापन गर्दै अध्यक्ष डा. बंशिधर मिश्रले उपस्थित प्रमुख अतिथि लगाायत सवै अतिथिहरु, शिक्षक, कर्मचारी तथा बिद्यार्थीलाई हार्दिक बद्याई दिदै कार्यक्रम सफलतापूर्वक सम्पन्न गर्ने कार्यमा योगदान पुराउने हुने शिक्षक कर्मचारी, बिद्यार्थी व्यवस्थापन समिति लगायत अन्य सरोकारवालाहरुलाई धन्यवाद दिएका थिए ।
सो अवसरमा प्रमुख अतिथि लगायत बिशिष्ट अतिथिहरु र अध्यक्ष, उपाध्यक्षहरुले सामुहिक रुपमा क्याम्पसको मुखपत्र बिमोचन, त्यसै क्याम्पसको क्यूएए प्रक्रियामा महत्वपूर्ण कार्य सम्पादन गरेवापत आन्तरिक सुनिश्चितता समितिको संयोजक सहप्राध्यापक जीवनप्रकाश शर्मा तथा कर्मचारीको रुपमा सहप्रशासक सचितकुमार कुइकेललाई प्रमाणपत्र र दोसल्लासहित सम्मान गरिएको थियो ।
त्यस्तै कार्यक्रममा मनमोहन स्मृति छात्रबृत्ति, प्रा. बिष्णु भट्टराई छात्रबृत्ति, प्रा. हरिदेउसा राई छात्रवृत्ति वितरण, उत्कृष्ट बिद्यार्थी सम्मान, बिद्यार्थी अनुसन्धान अनुदान, शिक्षक अनुसन्धान अनुदान र त्रिभुवन विश्वविद्यालयको बार्षिक परीक्षामा सर्वोकृष्ट अंक ल्याउने बिद्यार्थी सम्मान, त्रिभुवन विश्वविद्यालयको आंगिक तथा सम्वन्धन प्राप्त क्याम्पसहरु अन्तर क्याम्पस निवन्ध प्रतियोगितामा उत्कृष्ट जानकी मेडिकल कलेजका बिद्यार्थी दिक्षा सुवदीलाई सम्मान गरियो ।
कार्यक्रममा बाग्मती प्रदेश सभा सदस्य केशव पोखरेल, लेखा तथा सुपरीबेक्षण समितिका संयोजक, सदस्य र नेको नेपालका पदाधिकारी, सदस्य र क्याम्पस व्यवस्थापन समितिका सदस्यहरु र प्रमुख कार्यकारी अधिकृत, मनमोहन मेमोरियल मेडिकल साइन्सका क्याम्पस प्रमुख लगायतको उपस्थिति थियो ।
कार्यकममा बिद्यार्थीहरुले साँस्कृतिक कार्यक्रम प्रस्तुत गरेका थिए । बार्षिकोत्सवका अवसरमा क्याम्पसले खेलकुद सप्ताह, अतिरिक्त क्रियाकलाप तथा रक्तदान कार्यकमहरु पनि आयोजना गरेको थियो।
