काठमाडौं, ९ असोज २०८०
महिला स्वास्थ्य डटकमको आयोजनामा ‘इन्टर हस्पिटल फुटसल च्याम्पियनसिप’ शुक्रबार १२असोज बाट सुरु हुने भएको छ । ‘खेल खेलौ र स्वस्थ बनौ’ भन्ने मुल नाराका साथ सुरु हुन लागेको प्रतियोगिता काठमाडौंको धन्वन्तरी फुटसलमा दुई दिन सम्म चल्नेछ ।
प्रतियोगितामा उपत्यकाका २४ सरकारी तथा नीजि हस्पिटलको सहभागीता रहनेछ । लिग कम नकआउटका आधारमा सञ्चालन हुने प्रतियोगितामा सहभागी टिमलाई ४ समूहमा विभाजन गरिएको छ।
प्रतियोगिताको विजेताले उपाधि सहित ४० हजार र उपविजेताले २० हजार रुपैयाँ प्राप्त गर्नेछ । उनीहरुले नगदको साथमा ट्रफी, मेटल र प्रमाणपत्र पाउनेछन् ।
फुटसल सम्पन्न गराउनका लागि मुख्य प्रायोजकमा एन्जिल फर्टिलिटी क्लिनिक छ भने एनएमबी बैंकले प्रायोजक रहेको छ ।
हस्पिटल पार्टनरमा इशान बाल तथा महिला अस्पाताल , बैकिङ पार्टनरमा, राष्ट्रिय वाणिज्य बैंक तथा मेडिकल पार्टनरमा बयोधा हस्पिटल रहेको छ ।
कार्यक्रमलाई नेपाल टेलिकम, नेपाल आयल निगम , खड्गी इन्स्टिच्युट अफ इण्डोयुरोलोजी र फार्म टु टेबलले सपोर्ट गरेका छन् ।
