काठमाडौं, ७ भाद्र २०७९
कान्तिपुर डेन्टल कलेजका प्रिन्सिपल एवं दन्त चिकित्सक प्राडा. रविन्द्रमान श्रेष्ठले ‘साइनोडेन्ट अन्तर्राष्ट्रिय अवार्ड २०२२’ प्राप्त गर्नुभएको हो।
भारतको लखनउमा भएको विश्व दन्त सम्मेलनको अवसरमा गत बिहीबार प्राडा. श्रेष्ठलाई सो अवार्ड प्रदान गरिएको हो।
दन्त चिकित्सा क्षेत्रमा विशिष्ट योगदान पुर्याए बापत साइनोडेन्ट ग्लोबल हेल्थकेयरले ‘बेष्ट ओभरसिज डेन्टिस्ट अफ द इयर’ विधाबाट श्रेष्ठलाई यो अवार्ड दिइएको हो।
अटलविहारी बाजपेयी साइन्टिफिक कन्भेन्सन सेन्टरमा आयोजित विशेष समारोहमा साइनोडेन्टका संस्थापक तथा प्रमुख कार्यकारी अधिकृत डा. अनमोल बगरियाले उक्त अवार्ड प्रदान गर्नुभएको थियो ।
