बुटवल, १ फागुन २०८०
अन्तराष्ट्रिय कण्डम दिवसको अवसरमा बुटवलमा १३ फेब्रुअरी अर्थात फागुन १ गते मंगलबार बुटवलमा ओपन म्युजिकल कन्सर्ट सुरु भएको छ ।
युवा युवतिहरुलाई लक्षित गरेर कण्डमको प्रयोग तथा यसको फाईदाहरुको विषयमा जानकारी दिने उद्देश्यका साथ बुटवलको ट्राफिक चोकमा भव्य कार्यक्रम जारी रहेकोे छ।
बुटवल आस्था समुह र स्वाथ्य निर्देशनालय राप्ती दाङको आयोजना तथा एड्स हेल्थकेयर फाउन्डेसनको सहयोगमा ट्राफिक चौकमा दिउँसो ३ बजे देखि कार्यक्रम शुरु भएको छ । कार्यक्रममा नेपालका चर्चित कलकार काली प्रसाद बाँस्कोटाको विशेष प्रस्तुती रहको छ ।
सार्वजनिक स्थानमा अयोाजना गरिएको कार्यक्रममा निःशुल्क रुपमा प्रवेशको व्यवस्था, निःशुल्क र गोप्य रुपमा एचआईभी परिक्षण तथा निःशुल्क कण्डम वितरणको कार्यक्रम समेत आयोजना गरिएको ए एच एफ नेपाल लुम्बिनी प्रादेशिक अस्पताल कार्यक्रम संयोजक धर्मराज भट्टराईले जानकारी दिए ।
सोमबार बुटवलमा पत्रकार सम्मेलनको आयोजना गरी म्युजिकल कन्सट विषयमा जानकारी दिदै उनले उक्त कार्यक्रममा काली प्रसाद बास्कोटा सहित अन्य स्थानीय सत्यसाई कर्ला केन्द्रको सास्कृतिक कार्यक्रम सहित सचेतनामुलक नाटक समेत प्रस्तुत गरिने जानकारी दिएको थियो।
उक्त कार्यक्रममा साहरी कदम नेपालको संयोजकत्वमा लैंगीङ्ग तथा योनिक अल्पसंख्यक समुदायको फेस परेड कार्यक्रम समेत आयोजना गरिएको छ । बुटवलमा आयोजना गरिएको कार्यक्रममा प्रदेश सभा सदस्य जमुना ढकाल,स्वाथ्य निर्देशनालय प्रमुख डा. विनोद गिरी, स्वाथ्य कार्यालय रुपन्देहीका प्रमुख गौरव ढकाल लगायतको सहभागीता रहको छ ।
ए एच् एफ नेपालका राधेश्याम श्रेष्ठका अनुसार यो संस्था ४५ वटा देशका फैलिएको छ । नेपालको सात वटा प्रदेशमा एचआईभी र एड्सको क्षेत्रमा काम गर्दै आएको छ । ए एच एफ नेपालमा सन् २०११ बाट कण्डम दिवस मनाउन थालेको छ । आस्था समुह बुटवलका अध्यक्ष केशव पुन मगरले युवाहरुलाई टार्गेट गरेर विश्व कण्डम दिवसको कार्यक्रम आयोजना गरिएको जानकारी दिए।
