काठमाडौं, १० चैत २०७८
स्वास्थ्य कार्यालय बझाङका क्षयरोग फोकल पर्सन नारायण जोशी सम्मानित भएका छन् ।
बिहीबार बिश्व क्षयरोग दिवस २०७८ को अवसरमा दिर्घ रण समुन्द्र बम फाउन्डेसन नेपालले क्षयरोग नियन्त्रण कार्यक्रममा उत्कृष्ट काम गरेबापत जोशीलाई सम्मान गरेको हो।
स्वास्थ्य तथा जनसंख्यामन्त्री विरोध खतिवडाले जोशीलाई कदरपत्र सहित सम्मान गरेका हुन् । परिस्थिति अनुकूल नगारिकप्रति संवेदनशील रहि स्वास्थ्यकर्मी जोशीले स्वास्थ्य क्षेत्रको माध्यमबाट पुर्याएको महत्वपूणर् योगदानको उच्च मुल्यांकन गर्दै उनलाइ सम्मान गरीएको हो ।
सम्मानित भएपछि जोशीले बझाङका १२ वटै स्थानीय तहका स्वास्थ्य शाखा प्रमुख, पालिकाका क्षयरोग फोकल पोइन्टहरु, ४८ वटै DOTS केन्द्र र माईक्रोस्कपिक केन्द्रका स्वास्थ्यकर्मीहरुले गर्दा नै आफु सम्मानित हुन पुगेको भन्दै सहयोगी सबैलाई धन्यबाद दिनुभएको छ ।
जोशीले बिगत २ वर्ष यता देखि स्वास्थ्य कार्यालय बझाङमा क्षयरोग नियन्त्रण कार्यक्रमको फोकल पर्सनको रूपमा क्षयरोग नियन्त्रण कार्यक्रममा सहजीकरण गरे देखी जिल्लाको क्षयरोग नियन्त्रण कार्यक्रमको तथ्यांकमा उल्लेखनीय सुधार भएको पाइएको छ।
बझाङ जिल्लामा बिगत तीन आर्थिक वर्षको तथ्यांक हेर्दा क्षयरोगका बिरामी पत्ता लाग्ने दर प्रतिलाख जनसंख्यामा
आर्थिक वर्ष : २०७६/०७७ मा प्रति लाख ५४ थियो भने,
आर्थिक वर्ष : २०७७/०७८ मा प्रतिलाख ६९ र आर्थिक वर्ष : २०७८/७९ पौष सम्म प्रतिलाख ३९ देखिएको छ।
त्यस्तैगरी बिरामी निको हुने दर आर्थिक वर्ष २०७६/०७७ मा ९४ प्रतिशत, आर्थिक वर्ष २०७७/०७८ मा ९२ प्रतिशत र
आर्थिक वर्ष २०७८/७९ पौष सम्म ९४ प्रतिशत देखिएको छ।
