कञ्चनपुर, २६ भाद्र २०७९
कञ्चनपुरको महेन्द्रनगरमा इन्टर हस्पिटल फुटसल टुर्नामेन्ट प्रतियोगिताको उपाधि सेती हस्पिटलले जितेको छ। दसैंतिहारको उपलक्ष्यमा कञ्चनपुरको मन्त्र अस्पतालले सो प्रतियोगिताको आयोजना गरेको हो।
शनिबार भएको फाइनल प्रतियोगितामा सेती हस्पिटलले मन्त्र हस्पिटललाई ६-३ ले हराउँदै विजेता बनेको हो।
विजेता सेती हस्पिटलले २० हजार नगद र ट्रफि हात पारेको छ भने उप-विजेता मन्त्र हस्पिटलले १० हजारमा चित्त बुझाउनुपर्यो।
बेस्ट स्कोररको उपाधि सेती हस्पिटलका विक्रम बडेलाले पाएका छन्। उनले १० गोल गरेका हुन्। प्रतियोगितामा आठ ओटा टिमको सहभागिता रहेको थियो।
