काठमाडौं, १० मंसिर २०७९
मोरङ क्षेत्र नं ३ मा नेपाली कांग्रेसका उम्मेदवार डा. सुनिलकुमार शर्माले पूर्व स्वास्थ्यमन्त्री भानुभक्त ढकाललाई दोब्बर मतले पराजित गरी विजयी भएका छन् ।
निर्वाचन आयोगका अनुसार प्रतिनिधिसभा निर्वाचन २०७९ अन्तर्गत मोरङ क्षेत्र नं ३ मा नेपाली कांग्रेसका उम्मेदवार डा. सुनिलकुमार शर्मा ४५०९७ मत ल्याई विजयी भएका हुन्।
निकटतम प्रतिद्वन्द्वी नेपाल कम्युनिष्ट पार्टी (एमाले)का उम्मेदवार भानुभक्त ढकाललाई २११०४ मतान्तरले पराजित गरेका हुन्। पराजित भानुभक्त ढकालले २३९९३ मत ल्याएका छन्। राष्ट्रिय प्रजातन्त्र पार्टीकी रेखा थापाले १०२८९ मत पाएकी छन्।
