काठमाडौं, २४ माघ २०७९
नेपाल चिकित्सक संघको सुदुरपश्चिम प्रदेशको उपाध्यक्षम लोकतान्त्रिक समूहका डा. प्रशान्त भट्ट निर्वाचित भएका छन्।
सुदुरपश्चिम प्रदेशकै उपाध्यक्षका प्रतिष्पर्धी पेशागत समुहका डा. निरज अर्याललाई झण्डै एक हजार भन्दा बढी मतले पराजित गर्दै डा. भट्ट निर्वाचित भएका हुन्। डा. भट्टले ३३५९ मत प्राप्त भने डा. अर्यालले २३०८ मत लिएका छन्।
अध्यक्षमा डा. अनिल बिक्रम कार्की र महासचिवमा डा. सञ्जिव तिवारी निर्वाचित भएका छन्।
अध्यक्षमा डा. कार्कीले ३५३७ मत ल्याउँदा पेशागत समुहका डा. सन्तोष पौडेलले २३२३ र स्वतन्त्र समुहका डा. शिवजी शिलवालले २९० मत मात्रै ल्याएका छन्।
यस्तैगरी महासचिवमा लोकतान्त्रिक समूहका डा. सन्जिब तिवारीले २ हजार ९१८ मत प्राप्त गर्दा उहाँका प्रतिस्पर्धी स्वतन्त्रबाट उम्मेदवारी दिएका डा. अमृत भुसालले १ हजार ५४१ मत प्राप्त गर्नुभएको छ भने पेशागत समुहकि डा. रक्षा श्रेष्ठले १ हजार ५०५ मत ल्याएकि छिन्।
त्यस्तैगरी मधेश प्रदेशको उपाध्यक्ष पदमा लोकतान्त्रिक समूहका डा. निरज सिंहले ३ हजार ०८१ मत लिएका छन् भने उहाँकि प्रतिष्पर्धी पेशागत समुहका डा. महेश महासेठले १ हजार ४४३ र स्वतन्त्र समुहबाट डा. अजय मिश्रले १ हजार ४८ मत लिएका छन्।
बागमती प्रदेशको उपाध्यक्षमा लोकतान्त्रिक समूहका डा. प्रकाश बुढाथोकीले ३ हजार ५५३ मत प्राप्त गरेका छन् भने पेशागत समुहका डा. सञ्जय कुमार ठाकुरले २ हजार ५०७ मत लिएका छन्।
गण्डकी प्रदेशको उपाध्यक्ष पदमा लोकतान्त्रिक समूहका डा. राजन शर्माले ३ हजार ३२२ र पेशागत समुहका डा. बिकास गौचनले २ हजार ३९० मत लिएका छन्।
त्यस्तैगरी केन्द्रीय सदस्यहरुमा लोकतान्त्रिक समूहका ५ जना र पेशागत समुहका एक जना निर्वाचित भएका छन्।
लोकतान्त्रिक समूहबाट
डा. तेज्सु सिंह मल्ल ३३२१
डा. अमित रञ्जन मिश्र ३१४८
डा. सिर्जना बिष्ट ३१७८
डा. किशोर खत्री २९४६
डा. योभिन कुमार यादव २७६८
पेशागत समुहबाट
डा. स्मृति महत २७२१
संघको निर्वाचनमा कुल ६ हजार २९२ मत खसेको हो ।
