वरिष्ठ स्त्रीरोग तथा प्रसूति विशेषज्ञ प्रा. डा. गणेश डंगाललाई इन्डियन कलेज अफ अब्स्टेट्रिसियन्स एन्ड गाइनोकोलोजिस्ट्स (ICOG) को प्रतिष्ठित FICOG (Fellow of Indian College of Obstetricians and Gynecologists’) मानार्थ फेलोसिप प्रदान गरिएको छ।
स्त्रीरोग तथा प्रसूति क्षेत्रमा लामो समयदेखि उपचार दिदै आएका डा. डंगाल हाल काठमाडौं मोडल अस्पतालमा वरिष्ठ परामर्शदाता तथा प्रसूति तथा स्त्रीरोगका प्राध्यापकका रूपमा कार्यरत छन्। उहाँ नेपाल मेडिसिटी अस्पतालमा पनि स्त्रीरोग तथा प्रसूति विभागसँग सम्बन्धित वरिष्ठ विशेषज्ञका रूपमा कार्यरत हुनुहुन्छ। उहाँ २०२५ देखि नेपाल मेडिसिटीमा Principal Consultant तथा Head of Obstetrics & Genecology का रूपमा पनि आबद्ध हुनुहुन्छ। डा. डंगाल चिकित्सा सेवासँगै स्वास्थ्य अनुसन्धान र वैज्ञानिक प्रकाशनमा समेत सक्रिय छन्।
उनका अनुसन्धान तथा लेखहरू नेपाल हेल्थ रिसर्च काउन्सिलको जर्नल तथा अन्य वैज्ञानिक प्रकाशनमा प्रकाशित छन्। गर्भाशयको मुखको क्यान्सर रोकथाम तथा स्क्रिनिङसम्बन्धी नेपालका पाँच तृतीय तहका अस्पतालमा गरिएको अनुसन्धानमा पनि उहाँ संलग्न थिए।
स्वास्थ्य अनुसन्धान तथा वैज्ञानिक प्रकाशनको क्षेत्रमा डा. डंगालले Journal of Nepal Health Research Councl मा नेतृत्वदायी भूमिका निर्वाह गरिसकेका छन्। डा. डंगालले उक्त जर्नलका Emeritus Editor-in-Chief का रूपमा समेत चिनिन्छन्। त्यस्तै, डा. डंगाल नेपाल सोसाइटी अफ अब्स्टेट्रिसियन्स एन्ड गाइनोकोलोजिस्ट्स (NESOG) का पूर्वअध्यक्ष हुन्। NESOG को आधिकारिक विवरणअनुसार उहाँ २०२३–२०२५ कार्यकालमा Immediate Past President का रूपमा रहेका थिए।
FICOG फेलोसिप प्राप्त गरेपछि डा. डंगालले आफूलाई यो सम्मानले थप उत्साहित बनाएको बताएका छन्। उनले आफ्नो व्यावसायिक यात्रामा साथ दिने शिक्षक, गुरु, सहकर्मी, विद्यार्थी, परिवार तथा बिरामीप्रति आभार व्यक्त गर्दै महिला स्वास्थ्यको क्षेत्रमा अझ समर्पित भएर काम गर्ने प्रतिबद्धता व्यक्त गरेका छन्।
स्त्रीरोग तथा प्रसूति क्षेत्रमा चिकित्सकीय सेवा, शिक्षण, अनुसन्धान र व्यावसायिक नेतृत्वमा सक्रिय डा. डंगालका लागि FICOG फेलोसिप महत्वपूर्ण व्यावसायिक सम्मानका रूपमा आएको छ। हाल नेपाल स्वास्थ्य अनुसन्धान परिषदका सदस्य पनि हुनुहुन्छ।
