धनगढी , २० फागुन २०७७
नेपाल चिकित्सक संघ दिवसको अवसरमा सुदुरपश्चिम प्रदेश धनगढी शाखाले बिहान प्रभातफेरी कार्यक्रम गरेको छ।
नेपाल चिकित्सक संघ धनगढी शाखा भवनको प्राङ्गणबाट शुरू भएको प्रभातफेरी कार्यक्रम मुख्य मन्त्री कार्यालय हुँदै पुनः प्राङ्गणमा पुगेर समापन भएको नेपाल चिकित्सक संघ धनगढी शाखाका महासचिव डा. कपिल गौतमले जानकारी दिनुभयो।
प्रभातफेरी कार्यक्रममा सुदुरपश्चिम प्रदेशका लगभग ७० भन्दा बढी चिकित्सकहरुको सहभागिता रहेको थियो।
नेपाल चिकित्सक दिवस औपचारिकता कार्यक्रम भोलि सामाजिक बिकास मन्त्रालयका माननीय मन्त्री कृष्ण सुवेदी ज्यूको प्रमुख आतिथ्यमा सुरु हुने पनि डा. गौतमले जानकारी गराउनुभयो।
चिकित्सक दिवसको अवसरमा सुदुरपश्चिम प्रदेशमा बसेर लामो समयसम्म बिरामीको उपचार सेवामा खटिनु भएका चिकित्सक र कोरोना बिरुद्धको लडाईमा सेवा पुर्याउने स्वास्थ्यकर्मीहरुलाई सम्मान गर्ने कार्यक्रम रहेको पनि डा. गौतमले जानकारी दिए।
दिवसकै अवसरमा चिकित्सकहरुको फुटसल प्रतियोगिता १५ गते देखी शुरु भएको थियो। आज फाइनल खेल भइरहेको छ।
त्यस्तैगरी महाकाली अस्पतालले पनि चिकित्सक दिवसको अवसरमा प्रभातफेरी कार्यक्रम गरेको छ।
प्रभातफेरी कार्यक्रम अस्पतालको प्राङ्गण देखि शुरू भएको -याली महेन्द्रनगर बजार हुदैं अस्पतालको प्राङ्गणमा आएर कोणसभामा परिणत भएको अस्पतालका कन्सलट्यान्ट डा. बिरेन्द्र बुडालले जानकारी दिनुभयो।
महाकाली अस्पतालमा कार्यरत चिकित्सक सहित ३० जना भन्दा बढी चिकित्सक हरुको सहभागिता रहेको थियो।
