धादिङ , २६ भाद्र २०७७
बाग्मती प्रदेश धादिङ जिल्लाको उत्तरी क्षेत्रमा रहेको त्रीपुरासुन्दरी गाउँपालिकामा समुदायस्तरमै फैलिएको कोरोनाको सल्यानटार प्राथमिक स्वास्थ्य केन्दमा सिमित स्रोतसाधनका बाबजुद पनि उपचार भइरहेको छ। यस पालिकामा कुल ३८ जना कोरोना सक्रमितको उपचार भइरहेको र २ जना डिस्चार्ज भइसकेका छन र ३६ जनाको उपचार भइरहेको छ । जसमध्ये प्राथमिक स्वास्थ्य केन्द्रमा १५ जना, सल्यानटारमा बि को आइसोलेसन सेन्टर मा ९ जना र होम आइसोलेसनमा १२ राखी उपचार गराइरहेका सल्यानटार प्राथमिक स्वास्थ्य केन्द्रका प्रमुख डा. संजय बरालले बताउनु भयो।
कुल ३८ जना संक्रमित मध्ये १० जना स्वास्थ्यकर्मी रहेका छन् जसमध्ये २ जना डिस्चार्ज भएर काममा फर्किसक्नुभएको छ।
भाद्र ३ गते स्वास्थ्यकर्मीमा पहिलो संक्रमण देखिएपछि कन्ट्याक्ट ट्रेसीङको क्रममा संक्रमितको संख्या थपिँदै गएर ३८ पुगेको हो। केही संक्रमितमा कोभिड १९ का सामान्य लक्षणहरु देखिएता पनि अहिले धेरै जसोमा लक्षण हराइसकेको डा. बरालले जानकारी दिनुभयो। संक्रमण देखिएपछि पोजिटिभ सँग सम्पर्कमा आएका र केहीमा संभावित लक्षणका आधारमा २६९ जनाको स्वाब संकलन गरी राष्ट्रिय जनस्वास्थ्य प्रयोगशाला टेकुमा पठाइएको थियो।
स्वास्थ्यकर्मीको धेरै संख्यामा संक्रमण देखिए पश्चात् केही दिन सेवा बन्द गरेपनि हाल पीसीआर रिपोर्ट नेगेटिभ आएका कर्मचारीबाट सेवा प्रदान गरी अत्यावश्यक सेवा र प्रसूति सेवा खुल्ला गरिएको छ।
विदेशबाट आउनुभएका व्यक्तिहरूमा मात्र देखिँदै आएको कोभिँड संक्रमण तिब्र गतिमा यस गाउँपालिकामा फैलिएको भए पनि हाल नियन्त्रण तर्फ गइरहेको डा .बरालले बताए।
कन्ट्याक्ट ट्रेसिङ टिमका संयोजक समेत रहनुभएका डा .बरालका अनुसार प्रारम्भिक अनुसन्धानमा काेभिड-१९ को लक्षण देखिएका व्यक्तिबाट धेरै संक्रमण फैलिएको र लक्षण नदेखिएकाबाट निकै कम संक्रमण फैलिएको जानकारी दिनुभयो।
लकडाउन अवधिभरबाट अहिलेसम्म संक्रमितको संख्या यस गाउँपालिकामा ६२ जना पुगेको छ।
good keep it up