काठमाडौं, ०७ चैत्र २०७७
नेपाल डेन्टल साइन्स हाइजेनिस्ट एसोसिएसनले काठमाडौंको माइतीघर मण्डलामा विश्व स्वास्थ्य मुख दिवसको अवसरमा सचेतनामूलक कार्यक्रम गरेको छ।
आफ्नो मुखमा गर्व गरौँ’ भन्ने नारासहित मार्च २० मा यो दिवस नेपालसहित विश्वभर विभिन्न कार्यक्रम सञ्चालन गरिएको हो। विश्व मुख स्वास्थ्य दिवस नेपालमा पनि विभिन्न कार्यक्रम गरी मनाइएको छ।
कार्यक्रमका प्रमुख अतिथि एवम् स्वास्थ्य तथा जनसंख्या मन्त्रालय नाक ,कान ,घाँटी तथा मुख महाशाखाका प्रमुख डा. प्रकाश बुढाथोकीले मुख स्वास्थ्यको विषयलाई सरकारले प्राथमिकतामा नराखेकोले यसमा सबै मिलेर आवाज उठाउन पर्नेमा जोड दिनुभयो।
नेपाल स्वास्थ्य व्यवसायी परिषदमा ३ हजार २ सय डेन्टल असिस्टेन्ट, हाइजिनिस्ट र सिडिएस दर्ता भएका र
नेपाल मेडिकल काउन्सिलमा करिब ३३ सय दन्त चिकित्सक दर्ता भएको एसोसिएसनका अध्यक्ष माइकल देवकोटाले जानकारी दिए।
एसोसिएसनका उपमहासचिव प्रकाश गौतमले जनशक्तिहरुलाई पनि सरकारले सही सदुपयोग गर्न नसकेको र राज्यले मुख स्वास्थ्यलाई प्राथमिकतामा राख्नुपर्ने बताए।
कार्यक्रमको आयोजकमा कान्तिपुर डेन्टल हस्पिटल , कान्तिपुर स्कुल अफ डेन्टिष्ट्री बसुन्धरा, समाज स्कुल अफ डेन्टिष्ट्री नयाँ बानेश्वर , हिमाल डेन्टल हस्पिटल इन्स्टिच्युट अफ डेन्टल साइन्स धुम्बाराही , काठमाडौं मोडेल हस्पिटल स्कुल अफ ओरल हेल्थ बागबजार रहनु भएको थियो। कार्यक्रम संयोजक निमा जि.शेर्पा हुनुहुन्थ्यो। कार्यक्रममा करिब तीन सय भन्दा बढीको सहभागिता रहेको थियो।
