काठमाडौं, १७ बैसाख २०८०
दन्त चिकित्सकहरुको छाता संगठन नेपाल डेन्टल एसोसिएसनको अध्यक्षमा डा. प्रणय शाक्य र महासचिवमा डा. विश्व प्रकाश ठाकुर निर्विरोध निर्वाचित भएका छन् । डा. ठाकुर यस अघिको कार्यकालमा पनि सहसचिवमा निर्विरोध चयन भएका थिए।
अरु पदको लागि काठमाडौं उपत्यका बाहिर वैशाख १६ देखि र काठमाडौं उपत्यकामा वैशाख २३ गते मतदान हुने एसोसिएसनका महासचिव डा. गालव अधिकारीले जानकारी दिनुभयो।
डेन्टल एसोसिएसनमा २ हजार भन्दा बढी दन्त चिकित्सक सदस्य छन् । उपाध्यक्ष, कोषाध्यक्ष र सहसचिव सहितका पदहरुमा मतदान हुने निर्वाचन समितिले जनाएको छ ।
उपाध्यक्षमा डा. सुमन काफ्ले र डा. रोसन चौधरी, कोषाध्यक्षमा डा. विधान श्रेष्ठ र डा. आशुतोष शुक्ला र सहसचिवमा डा. हरि प्रसाद ओली तथा डा. शंकर श्रेष्ठ बिच प्रतिस्पर्धा हुने निर्वाचन समितिले जनाएको छ।
