दाङ , १४ माघ २०७७
दाङको घोराही स्थित राप्ती स्वास्थ्य विज्ञान प्रतिष्ठानमा प्रतिष्ठानका अस्पताल निर्देशक डा.सागर पन्थीलाई खोप लगाएर सुरुवात गरिएको छ।
डा. पन्थी पछि अन्य चिकित्सक तथा स्वास्थ्यकर्मीहरुलाई खोप लगाउन सुरु गरिएको थियो । त्यस क्रममा राप्ती स्वास्थ्य विज्ञान प्रतिष्ठानका उपकुलपति डा. संगिता भण्डारीले जिल्लाको एकमात्रै कोरोना परिक्षण प्रयोगशालाका रुपमा प्रतिष्ठान चुनिएको र अहिले खोप केन्द्रका रुपमा पनि प्रतिष्ठान चुनिएकाले कोरोना रोकथामका लागि प्रतिष्ठान र यहाँको जनशक्तिले उल्लेख्य योगदान गरेको बताईन् ।
दाङमा कोरोना बिरुद्धको पहिलो चरणको खोप लगाउन सुरु गरिएको छ । पहिलो चरणमा घोराही र तुलसीपुरमा गरि दुई स्थानमा खोप लगाउन सुरु गरिएको हो । पहिलो चरणमा जिल्लाका स्वास्थ्यकर्मीहरु लाई खोप लगाउन सुरु गरिएको छ ।
प्रधानमन्त्री केपी शर्मा ओलीले खोप अभियानको उद्घाटन गरेपछि जिल्लामा पनि यसको सुरुवात गरिएको हो ।
