काठमाडौं, १५ माघ २०७७
नेपालमा दोस्रो दिन बिहिबार पनि १९ हजार ६ सय ४८ जनाले कोरोना विरुद्धको खोप लगाएका छन्। नेपाल सरकारले बुधवारदेखि सुरु गरेको कोरोना विरुद्धको खोप अभियान बुधवार पहिलो दिन ९ हजार ८४ जनाले कोरोना विरुद्धको खोप लगाएका थिए ।
स्वास्थ्य मन्त्रालयको विविरण अनुसार दोस्रो दिनको खोप अभियान अन्तर्गत बिहीवार साँझ ५ बजेसम्म ७७ जिल्लाका गरि २८ हजार ७ सय ३२ जनाले खोप लगाएका छन् ।
जसमध्ये
प्रदेश १ मा ३ हजार ८ सय ४७ जना, प्रदेश २ मा २ हजार १ सय ७४, बागमतिमा ११ हजार ४ सय ६१ जना, गण्डकी प्रदेशमा ४ हजार ८ सय ५३जना, लुम्बिनी प्रदेशमा २ हजार ३ सय ३ जना, कर्णालीमा १ हजार ६ सय ७७ र सुदूरपश्चिम प्रदेशमा २ हजार ४ सय १७ जनाले कोरोना विरुद्धको खोप लगाएका छन् ।
नेपाल सरकारले भारत सरकारबाट अनुदान स्वरुप पाएको कोरोना विरुद्धको खोप पहिलो चरणमा मुलुकभरका सुरक्षाकर्मी, स्वास्थ्यकर्मी, सफाइकर्मी, कैदीबन्दी लगायतलाई दिइरहेको छ भने दोस्रो चरणमा ५० वर्ष माथि उमेर समूहकालाई लगाउने तयारी गरेको छ।
