काठमाडौं,१८ भाद्र २०७७
काठमाडौं उपत्यकामा ४४५ जना सहित देशभर १ हजार २२८ जनामा कोरोनाको पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमका अनुसार पछिल्लो चौबिस घण्टामा काठमाडौँमा ३५७ जना , भक्तपुरमा ४२ र ललितपुरमा ४६ जना सहित ४४५ जनामा कोरोनाको पुष्टि भएको बताएका छन्।
नेपालमा अहिलेसम्म कोरोना संक्रमितको संख्या ४२ हजार ८७७ पुगेको छ।
पछिल्लो चौविस घण्टामा ९२५ जना कोरोना मुक्त पछि घर फर्किनु भएको छ। हाल सम्म डिस्चार्ज हुनेको संख्या २४ हजार २०७ पुगेको छ।
नेपालमा हालसम्म कोरोना भाइरसको कारण मृत्यु हुनेको संख्या २५७ रहेको छ। पछिल्लो चौविस घण्टामा कोरोना संक्रमणबाट ६ जनाको मृत्यु भएको छ।
