काठमाडौं, ७ कार्तिक २०७७
नेपालमा पछिल्लो २४ घण्टामा थप ४४९९ जनामा कोरोना संक्रमण पुष्टि हुँदा २६६८ जनाले कोरोनालाई जितेका छन्।
स्वास्थ्य तथा जनसंख्या मन्त्रालयका अनुसार गत २४ घण्टामा थप४४९९ जनामा कोरोना संक्रमण पुष्टि भएको हो । योसँगै नेपालमा कुल कोरोना संक्रमितको संख्या १ लाख ५३ हजार ८ पुगेको छ ।
यसैगरी गत २४ घण्टामा थप १७ जना कोरोना संक्रमितको मृत्यु भएको मन्त्रालयले जनाएको छ । योसँगै हालसम्म कोरोना संक्रमणबाट ज्यान गुमाउनेको संख्या ८२९ पुगेको छ । आज कोरोना जितेर २६६८ जना डिस्चार्ज भएका छन्। आज डिस्तार्ज भएकासँगै हालसम्म कोरोना संक्रमणमुक्त हुनेको संख्या १ लाख ५ हजार ४८८ पुगेको मन्त्रालयले जनाएको छ ।
हाल देशभर ४६ हजार ६९१जना सक्रिय संक्रमित रहेका छन्। यसैगरी३ हजार५९० जना कोरोनाको आशंकामा क्वारेन्टाइनमा रहेका छन्।
