काठमाडौं,२५ असोज २०७७
पछिल्लो २४ घण्टामा थप २०७१ जनामा कोरोना भाइरस (कोभिड-१९) को संक्रमण पुष्टि भएको छ । देशभरका प्रयोगशालामा १२हजार ४२७ नमुना परीक्षण गर्दा उनीहरुमा संक्रमण देखिएको हो ।
प्रवक्ता डाक्टर जागेश्वर गौतमका अनुसार आइतबार २२ जना कोरोना संक्रमितको ज्यान गएको छ। योसँगै नेपालका कोरोना संक्रमणबाट ज्यान गुमाउनेको संख्या ६३६ पुगेको छ । त्यस्तै संक्रमित हुनेको संख्या १ लाख ७ हजार ७५५ पुगेको छ।
पछिल्लो समय नेपालमा कोरोना संक्रमण दर उच्च बनेको छ। शनिबार मात्रै ५ हजार ८ जनामा संक्रमण भेटिएको थियो । त्यस्तै १४ जना संक्रमितको ज्यान गएको थियो ।
हाल नेपालमा ३१ हजार ३१५ सक्रिय संक्रमित रहेका छन् ।
