काठमाडौं, ३० वैशाख २०७८
नेपालमा पछिल्लो २४ घण्टामा कोरोना भाइरस संक्रमणबाट ५ हजार ५५ जनाले जितेर घर फर्केका छन्।
पछिल्लो केही दिनयता कोरोना संक्रमितको मृत्यु पनि अत्यधिक बढेको छ । बिहिबार आज २१४ जना कोरोना संक्रमणबाट मृत्यु भएको छ। मंगलबार एकै दिन २२५ जना र बुधबार १६८ जनाको मृत्यु भएको थियो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १९ हजार ४७४ पीसीआर र ७७१ एन्टिजेन परीक्षणमा आठ हजार ९६० जनामा कोरोना संक्रमण पुष्टि भएको छ । हालसम्म संक्रमितको संख्या चार लाख ३१ हजार १९१ जना पुगेको छ ।
यस्तैगरी सक्रिय संक्रमितको संख्या एक लाख पाँच हजार २०७ पुगेको छ । तीमध्ये ९६ हजार ३७९ जना होम आइसोलेसनमा र आठ हजार ८२८ जना संस्थागत आइसोलेसनमा रहेका छन् । संस्थागत आइसोेलेसनमा रहेकामध्ये एक हजार ३८१ जना आईसीयूमा र ३८० जना भेन्टिलेटरमा रहेका छन् ।
