बैशाख २९, काठमाडौं
नेपालमा कोरोना भाइरस संक्रमणबाट थप १३ जना संक्रमित थपिएका छन् । सोमबार मात्रै देशभर कोरोना संक्रमित २४ जना कोरोना संक्रमित थपिएका हुन् । हाल देशभर कोरोना संक्रमितको संख्या १३४ पुगेको छ । सोमबार बिहान १० जना, दिउँसो एक र केही समयअघि १३ जना कोरोना संक्रमित थपिएका छन।
कपिलवस्तुको यशोधरा गाउँपालिका -८ र बुद्धभूमि नगरपालिका-७ का १५, १९, २३, ३०, ३२ र ३८ वर्षीय पुरुष, रुपन्देहीको समरीमाई गाउँपालिका-७ र लुम्बिनी सांस्कृतिक गाउँपालिका-६ का २४, २६, २७, ३०, ३२ र ४० वर्षीय पुरुष र बर्दियाको राजापुर-५ कि ११ वर्षीय बालिकामा कोरोना संक्रमण देखिएको हो ।
हालसम्म उनीहरुको स्वास्थ्य अवस्था सामान्य रहेको र उनीहरुको स्वास्थ्यकर्मीको सम्पर्कमा रहेको स्वास्थ्य तथा जनसंख्या मन्त्रालयका सहप्रवक्ता डा. समिर कुमार अधिकारले जानकारी दिए ।
