काठमाडौं ,१० जेठ
नेपालमा कोरोना सन्क्रमितको संख्या ५४८ पुगेको छ। थप ३२ जनामा कोरोना संक्रमण देखिएको स्वास्थ्य तथा जनसंख्या मन्त्रालयका सहप्रवक्ता डा.समीर कुमार अधिकारीले जानकारी दिएका छ्न ।
डा.अधिकारीका अनुसार कपिलवस्तुमा ८ जना मध्ये ७ जना पुरुष र १ महिला , सर्लाहीमा १३ जना पुरुष , बारामा १ महिला , काठमाडौंमा १ पुरुष , रुपन्देहीमा ८ पुरुष र चितवनमा १ पुरुष गरि ३२ जनामा कोरोनाको पुष्टि भएको डा.अधिकारीले बताए। जस मध्ये ३० पुरुष र २ महिला रहेका छ्न।
उनिहरुको राष्ट्रिय जनस्वास्थ्य प्रयोगशाला टेकू , प्रादेशिक जनस्वास्थ्य प्रयोगशाला , भैरहवा र भरतपुर अस्पताल कोभिड१९ प्रयोगशाला भरतपुरमा परिक्षण गर्दा पोजेटिभ देखिएको डा.अधिकारीले बताएका छ्न। अहिले उनिहरुको अबस्था सामान्य रहेको र स्वास्थ्यकर्मीको निगरानीमा रहेको पनि डा.अधिकारीले बताउनु भयो। अहिलेसम्म कोरोनाको लडाइँ जितेर घर फर्किनेको संख्या ७० पुगेको छ भने मृत्यु हुनेको संख्या ३ रहेको छ।
