एकैदिन ३२३ जनामा कोरोनाको पुष्टि , कुल संक्रमितको संख्या ४ हजार नाघ्यो #Covid19

काठमाडौं , २७ जेठ

नेपालमा आज एकै दिन ३२३ जनामा कोरोनाको पुष्टि भएको छ।

मंगलबार विभिन्न प्रयोगशालामा गरिएको परीक्षणमा थप ३२३ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए। योसँगै नेपालमा कोरोनाबाट संक्रमित हुनेको संख्या ४०८५ पुगेको छ।

डा. गौतमका अनुसार नेपालमा अहिलेसम्म कोरोनाबाट मुक्त भएर घर फर्किनेको संख्या  ५१३ पुगेको बताए।  कोरोना संक्रमणका कारण मृत्यु हुनेको संख्या १५ पुगेको छ।