नेपालमा थप २५ जनामा कोरोनाको पुष्टि , सन्क्रमितको संख्या ४२७ पुग्यो #Covid19

by HNN Staff

May 20, 2020

in News

Reading Time: 1 min read

काठमाडौं ,७ जेठ

नेपालमा थप २५ जनामा कोरोनाको संक्रमण पुष्टि भएको छ। योसँगै नेपालमा कोरोना संक्रमित व्यक्तिहरुको संख्या ४ सय २७ पुगेको स्वास्थ्य तथा जनसंख्या मन्त्रालयले जनाएको छ।

पछिल्लो पटक प्रादेशिक जनस्वास्थ्य प्रयोगशाला र राष्ट्रिय जनस्वास्थ्य प्रयोगशाला मार्फत गरिएको परीक्षणमा थप २५ जनामा संक्रमण पुष्टि भएको हो। कपिलवस्तुमा १३, बाँकेमा ६, धनकुटामा ५, नवलपरासी पश्चिममा एक जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ।

उनीहरु ३ देखि ४८ बर्षका रहेका छन्। उनीहरु मध्ये १८ जना पुरुष र सात जना महिला छन्।स्वास्थ्य तथा जनसंख्या मन्त्रालयका प्रवक्ता डा.बिकास देवकोटाका अनुसार संक्रमित सबैको स्वास्थ्य अवस्था सामान्य छ भने उनीहरु सबै स्वास्थ्यकर्मीको निगरानीमा छन्। हाल सम्म कोरोना सन्क्रमितको जिल्ला ३८ रहेको छ। निको भइ घर फर्किनेको संख्या ४६ पुगेको छ।

Tags: Corona Virus #Covid19