ललितपुर बैशाख १०,
सामाजिक सदभाव अभियान समूह द्वारा आयोजित बृहत रक्तदान कार्यक्रम सफलता पूर्वक सम्पन्न भएको छ। महालक्ष्मी नगरपालिका इमाडोल २ होप भ्याली स्कुलमा भएको उक्त रक्तदान कार्यक्रममा १ सय भन्दा बढीले रक्तदान गरेको र यस्तो कठिन लकडाउनको अवस्थामा रगतको अभाव हुन नदिने यस संस्थाका सकृय सदस्य सुदिप हमालले बताउनु भयो।
हमालका अनुसार रक्तदान कार्यक्रम गर्दा पनि सामाजिक दुरीलाई प्राथमिकता दिदै बिहान ११ बजे देखि २ बजे सम्म कार्यक्रम संचालन गरेको बताए। यो संस्थाले लकडाउन भए देखि कोरोना भाइरसको बारेमा जनचेतना जगाउदै चोक-चोकमा साबुन पानीको ब्यवस्था गरेको र अप्ठ्यारो परेका मजदुर लगायत असहायहरुलाई खाद्यान्न उपलब्ध गराउने कार्यक्रम भइरहेको बताए। लकडाउनको अवधिभर समस्यामा परेका बिरामीहरुको लागि निशुल्क रुपमा एम्बुलेन्स पनि सञ्चालन गरिरहेको हमालले जानकारी दिनु भयो।
