काठमाडौं, ७ कार्तिक २०७९
चिकित्सा विज्ञान राष्ट्रिय प्रतिष्ठान वीर अस्पतालमा दन्त सेवा र प्याथोलोजी सेवा बिस्तार भएकाे छ ।
अस्पतालको दन्त विभाग सानाे र साघुराे काेठामा सुरु भएको थियो र अहिले सेवा फराकिलो स्थानमा सेवा सुरु भए सँगै गरिब तथा विपन्न नागरिकहरुकाे पहुँचमा वीरकाे दन्त सेवा पुग्ने भएको छ ।
दन्त विभाग प्रमुख डा. शैली प्रधानले पेइङ मेडिकल वार्ड संचालन भएको स्थानमा १७ वेड राखेर दन्त सेवा सुरु गरिएकाे थियाे। धेरै अगाडीको याेजना र चाहना पुरा भएकाे पनि बताइन् ।
डा. प्रधानले भनिन् वीरकाे दन्त विभाग सानाे भएकाले सिमित वेडबाट मात्रै सेवा दिन सकिएकाे थियाे अब केही सहज भएकाेछ तर, याे पुर्ण भने हैन । उनले सर्जिकल भवनकाे एक तला दन्त सेवाका लागि उपलब्ध गराएकाे खण्डमा अन्तरार्ष्ट्रिय स्तरकाे सेवा दिन सकिने पनि बताइन्।
वीर अस्पतालमा दाँत दुखेकाे मात्रै सामान्य उपचार सेवा लिन पनि डेढ बर्ष पर्खनु पर्ने अत्यन्तै दु:ख लाग्दो अवस्था थियाे । हाल सेवा बिस्तार पछि ४८ वेड पुगेकाे छ । अब यी समस्याहरु तत्काल समाधान गर्न सकिने पनि डा. प्रधानले बताइन्।
दन्त सेवा बिस्तार सँगै प्याथाेलाेजी विभाग अन्तर्गत फ्लोसाइटोमेट्री र आइ. एच. सी सेवाको स्वास्थ्य सचिब डा. रोसन पोखरेलले उद्घाटन गरेको हो।
काेभिड -१९ युनिफाइड केन्द्रीय अस्पतालका कार्यकारी निर्देशक डा. भुपेन्द्र कुमार बस्नेतले अब दन्त सेवा सबै नागरिकको पहुँचमा सहज हुने बताए । विगतमा भाेगेकाे दु:ख अब नदाेहाेरिने पनि डा. बस्नेतले बताए ।
डा. बस्नेतले नर्सिङ स्टाफ कम भएकाले सेवा प्रवाहमा केही असहज अवस्था जारी रहेकाे सुनाए । जनशक्तिको उचित व्यवस्थापन नभएपनि आम नागरिकलाइ सहज र गुणस्तरीय सेवा प्रवाह गर्न सधै अग्रसर भएकाे बताए ।
स्वास्थ्य तथा जनसंख्या मन्त्रालयका सचिव डा. राेशन पाेखरेलले सबै खाले स्वास्थ्य उपचार वीरमा हुन्छ भन्ने बनाएकोमा सबैलाई धन्यवाद तथा शुभकामना दिनुभयो । उनले थपे वीरमा नभएकाे सेवा अन्त सम्भावना पनि हुदैन । सचिवले बिरामीको अवस्था हेरेर त्यही अनुसारकाे सेवा दिन पनि अनुराेध गरे । देशका अति दुर्गम स्थानबाट सेवा लिन बिरामी आउने भएकाले उनिहरुकाे आर्थिक र सामाजिक पाटाेलाइ ध्यान दिन अनुराेध गरे ।
प्याथोलोजी विभाग प्रमुख सह प्राध्यापक डा. प्रतिभा बिष्टले यो सेवा विशेष गरी क्यान्सर रोग पत्ता लगाउनको परीक्षण हुने बताईन। यसको परीक्षणको लागि भारत पठाउने गरेकोमा हाल वीर अस्पतालबाट परीक्षण गरिने पनि उहाँले बताइन्। यसमा ब्लड क्यान्सर सम्बन्धी परीक्षण पनि गरिने हुन्छ।
अस्पतालका जनस्वास्थ्य निरीक्षक अधिकृत राज कुमार तिवारीले रक्त क्यान्सर पत्ता लगाउने परिक्षण, भविष्यमा टिस्यु क्यान्सर पत्ता लगाउने सम्मको परिक्षण गर्न सकिने बताए। परीक्षण गर्न बिदेश जाने धनराशि वाट जोगाउन पनि सकिने तिवारीले बताए।
