काठमाडौं, २१ वैशाख २०७८
वीर अस्पताल स्वास्थ्य कर्मचारी संघले २०७७/११/३ मा वीर अस्पताल तथा ट्रमा सेन्टरमा कर्मचारी भर्ना , उपकरण खरिद, उपकरण मर्मत , समायोजन हुन नक्कलि बिरामी भएको मेडिकल बोर्ड सिफारिश बनाएको,आफुनिकट संग कोटेशनमा सामान खरिदमा अनियमितता भएको, दुवाकोट परियोजना र सर्जिकल भवन सन्चालनमा बाधा खडा गरेको र आफु निमित्त भिसि हुदा न्याम्समा लिफ्ट जडान गर्दा अनियमितता गरेकाले रेक्टर डा. सुवोध अधिकारीको सम्पत्ति छानविन गर्ने र सर्तकता केन्द्रको छानविन प्रतिवेदन अनुसार दोषि लाई कारवाई र छानविन गरि पाउ भनि प्रधानमन्त्री कार्यालय, अक्तियार ,सर्तकता र स्वास्थ्य मन्त्रालयमा उजुरी दिएको थियो ।
सो उजुरी माथि प्रधानमन्त्री कार्यालयले २०७७/११/०५ मा स्वास्थ्य मन्त्रालय लाई सो समन्धमा छानविन गर्ने निर्देशन दिएपछी स्वास्थ्य मन्त्रालयले २०७७/११/१३गते १५ दिन भित्र छानविन गरी प्रतिवेदन दिने गरी मन्त्रालयको प्रमुख जनस्वास्थ्य प्रशासक श्री रिता भण्डारी जोशी संयोजक रहेको समिति गठन गरेको थियो।
समितिले हाल सम्म छानविन प्रतिवेदन नबुझाए पछि कर्मचारी युनियनले यही १६ गते पुन प्रधानमन्त्री कार्यालय,अक्तियार, राज्य व्यवस्था तथा सुशासन समिति, शिक्षा तथा स्वास्थ्य समिति , सतर्कता ,स्वास्थ्यमन्त्री ,स्वास्थ्य सचिव लगायतमा पुन उजुरी दिदै छानविन प्रतिवेदन बुझाउन नक्कलि मेडिकल बोर्ड सिफारिश छानविन गर्न माग गरेकोमा स्वास्थ्य मन्त्रालयले यही २०७८/०१/१४ मा छानविन समितिलाई तिन दिन भित्र प्रतिवेदन बुझाउन ताकेता पत्र काटेको छ ।
समितिका एक सदस्यले भने छानबीनको आवश्यक कागजात वीर अस्पताल खरिद एकाई र ट्रमा खरिद र डा. अधिकारीले उपलब्ध नगराएकाले प्रतिवेदन तयार गर्ने नसकेको बताउछन ।
उनका अनुसार वीर र ट्रमा खरिद एकाईले आफ्नो अनियमितता पर्दाफास हुने भएकाले आबश्यक कागजपत्र नदिएको उनि बताउछन ।
कर्मचारीले कोभिड भत्ता नदिएको, सेवा बिस्तार भत्ता ,औषधि खरिद खर्च, शैक्षिक भत्ता, कोरना बिमा नदिएको अस्थायी करार ,ज्यालादारी कर्मचारी लाई तिन तिन महिना सम्म तलव नदिएको कोभिड भत्ता नदिएको तर कमिसनको ब्यापारी लाई भने भटाभट रकम निकासा गरेको छ।
गत बर्ष कोभिड कर्मचारी होटलमा राख्दा खरिद प्रमुख र कोभिडको समयमा डा. अधिकारीले भष्ट्राचार गरेको हुँदा छानविन गर्ने माग गर्दै हाल समयमै तलव भत्ता, कोभिड भत्ता ,कर्मचारी बिमा ,आबश्यक स्वास्थ्य सुरक्षा सामाग्री ,कर्मचारी विरामी हुँदा उपचार र बेडको ब्यावस्था तत्काल उपलब्ध गराउन माग गरेका छन ।
डा. अधिकारीले आफ्नो भष्ट्राचारको बिरोध गर्ने लाई धम्काउने र सरूवा गर्दिन्छु भन्दै अस्पतालमा आतँक सिर्जना गरेका छन।
