भक्तपुर , १४ साउन २०८२
भक्तपुर अस्पतालमा मिर्गौला रोगीहरूका लागि एक महत्वपूर्ण उपलब्धिका रूपमा डायलासिस सेवा औपचारिक रूपमा सुरुवात भएको छ।
बागमती प्रदेश सरकारअन्तर्गत स्वास्थ्य मन्त्रालयको सहयोगमा प्रारम्भ गरिएको यो सेवा अन्तर्गत हालका लागि ५ शय्याको डायलासिस युनिट सञ्चालनमा ल्याइएको हो।
यो सेवा विस्तारसँगै आर्थिक अवस्था कमजोर भएका मिर्गौला पीडितहरूले सुलभ र सहज उपचार पाउने भएका छन् ।
कार्यक्रममा सहभागी अधिकारीहरूले डायलासिस सेवा सुरुवातले हजारौँ मिर्गौला पीडितका आँखामा नयाँ आशा जाग्ने विश्वास व्यक्त गरे।
बागमती प्रदेशका स्वास्थ्यमन्त्री किरण थापाले डायलासिस सेवाको शुभारम्भ गर्दै यस सेवाले भक्तपुर र आसपासका जिल्लाका बिरामीहरूलाई ठूलो राहत मिल्ने बताउनु भयो।
