काठमाडौं, १९ जेठ २०७९
नयाँ बानेश्वर बिजुलीबजार स्थित अल्फा हेल्थ केयर एण्ड डायग्नोष्टिक सेन्टरमा यहि जेष्ठ २१ गते वरिष्ठ स्त्री तथा प्रसुति रोग विशेषज्ञ प्रा. डा. अचला बैद्यले १ दिने पाठेघरको मुखको क्यान्सर सम्बन्धी जनचेतनामुलक कार्यक्रम संचालन गर्ने हुनुभएको छ ।
उक्त दिन, डा. बैद्यको नेतृत्वमा डा. ओनिका कार्की सहितको टिमले पाठेघरको क्यान्सर सम्बन्धी जनचेतना अभिबृद्धि गर्नुका साथै नि: शुल्क परामर्श दिनुहुनेछ।
क्यान्सरद्वारा हुने मृत्यु मध्ये दोस्रो ठूलो कारण रहेको पाठेघरको मुखको क्यान्सर विश्वभर बर्षेनी ५ लाखको हाराहारीमा देखापर्ने गरेको र ५०% मृत्यु एसियामा मात्र हुने गरेको तथ्यांक बताउँदै, यस सेन्टरका मेडिकल निर्देशक डा. अजय पराजुली भन्नुहुन्छ ” यस रोगको बारेमा जानकारी भएमा रोकथाम गर्न सकिन्छ र समयमै पहिचान गर्न सके क्यान्सरबाट हुने मृत्युलाई धेरै हदसम्म कम गर्न सकिन्छ। तसर्थ Prevention is better than cure र There is answer for Cancer को नारा सहित यो जनचेतनामुलक कार्यक्रम सञ्चालन गर्न गईरहेका छौं । ”
यस कार्यक्रमका लागि ईमेल, फेसबुक पेज र फोन मार्फत अग्रिम बुकिङ खुल्ला भएको र सहभागीहरूलाई एक महिना सम्म प्रजनन् स्वास्थ्य र क्यान्सर सम्बन्धी विशेष जाँचहरुमा पनि बिषेश सहुलियतको व्यवस्था गरिएको जानकारी मेडिकल निर्देशक डा. पराजुलीले दिनुभयो ।
