काठमाडौं, २४ चैत्र २०७९
राष्ट्रिय आयुर्वेद एशोसिएसन नेपाल (RAAN) को प्रथम ऐतिहासिक केन्द्रीय महाधिवेशन चैत्र २५ गते अर्थात भोलि हुने भएको छ।
शनिबार बिहान १० बजे पूर्व प्रधानमन्त्री माधब कुमार नेपालको प्रमुख आतिथ्यमा महाधिवेशनको उद्घाटन गर्न लागिएको हो।
शनिबार कोटेश्वरको ए वन भेनुमा हुने महाधिवेशनमा देशभरबाट आयुर्वेद क्षेत्रमा काम गर्ने चिकित्सक, व्यवसायी, उत्पादक, स्वास्थ्यकर्मी, बैद्द र कविराज समेतको सहभागिता रहने राष्ट्रिय आयुर्वेद एशोसिएसन नेपाल काठमाडौंका संयोजक डा. बिबेक गुप्ताले बताउनुभयो।
