नेपालको साँस्कृतिक सम्पदाले धनी तर भौगोलिक विकटता भएको कर्णाली प्रदेशको कालिकोट जिल्लामा जन्मनु भएका डा. किशोर कुमार बिष्टको सानैदेखि डाक्टर बन्ने सपना थियो।
कालिकोट जिल्लामै आफ्नो स्कुल लेभलको अध्ययन सकिएर एसएलसीमा जिल्ला प्रथम उत्तीर्ण गरी चिकित्सक पढ्ने इच्छालाई पछ्याउँदै आफ्नो शैक्षिक यात्रा पूरा गर्नको लागि काठमाडौं पुगेर उच्च शिक्षा हासिल गर्नु भयो। टेन प्लस टु उत्तीर्ण गरिसकेपछिको मुख्य बाटो आफ्नो सानैदेखिको तीव्र चाहनालाई पछ्याउँदै चिकित्सक बन्ने सपनाको साकार पार्नको निमित्त दिनरात कडा परिश्रम र मेहनत गर्दै अगाडि बढ्दै जानुभयो ।
आफ्नो नियमित मिहेनत कडा परिश्रमी र लगनशीलताले गर्दा नेपाल सरकार शिक्षा मन्त्रालय द्वारा लिईने एमबीबीएस छात्रवृत्तिमा नाम निकाल्न सफल भइ आफ्नो चिकित्सकीय शिक्षाको ढोका उगार्नुभयो । नेपालगञ्ज मेडिकल कलेज नेपालगञ्जबाट एमबिबिएस उत्कृष्ट अंकमा उत्तीर्ण गरी डाक्टर बन्नुभयो डा. किशोर कुमार बिष्ट।
गरिब दिनदुखी, आफ्नो जन्मभूमि, कर्मथलो र समाजलाई कहिल्यै नभुल्ने किशोर डाक्टर बनिसकेपछि आफ्नो सेवाका लागि आफ्नो जन्मभूमि तर्फ फर्किनुभयो। सेवाभावले ओतप्रोत भई सदैव अरुको हितको लागि आफूले गर्ने सेवामा कहिले नहिच्किचाईकन पनि दिनरात बिरामीको सेवामा लागिपर्ने डा. बिष्ट तत्कालीन क्षेत्रीय अस्पताल हाल प्रदेश अस्पताल सुर्खेतमा सेवा पुर्याउँदै आउनु भयो।
डा. किशोरले सोही बखत देखि नै समाजमा सकारात्मक छाप पारिरहनु भएको थियो। उहाँले त्यसपछि कालिकोट जिल्ला अस्पतालमा एक वर्ष चिकित्सकीय सेवा प्रदान गर्नुभयो। सेवा अवधीमै रहीरहदा लोकसेवा परीक्षामा उत्तीर्ण भइ स्थायी चिकित्सकमा नियुक्त हुनुभयो र आफ्नो कर्णाली प्रदेशमै फेरि फर्किनुभयो । उहाँले मेहलकुना अस्पतालमा मेडिकल सुपरिटेन्डेन्टको रुपमा कामकाज थालनी गर्नुभयो ।
चिकित्सकीय सेवामा सधैं आफूलाई सकारात्मक सोच राखी सदैव आफ्नो वरिपरि समाजको उन्नतिको लागि खटिरहने डा. किशोर सकारात्मक परिवर्तनको ऊर्जा लिएर मेहलकुना अस्पतालमा जानुभएको थियो र उहाँले आफ्नो कार्यकालमा थुप्रै सकारात्मक परिवर्तनहरू गर्न एउटा कुशल नेतृत्व निर्वाह गरेर मेहलकुनाबासीको लागि नमुना अस्पताल बनाउन सफल भई मध्यपश्चिम क्षेत्रमै पहिलोपटक रेबिज जस्तो प्राणघात रोगको विरुद्धको लागि चाहिने इम्युनोग्लोबुलिन सेवा सुरु गर्नुभयो ।
यसका साथसाथै बिरामीहरूको रोगको डायग्नोसिसका लागि चाहिने एक्सरे, भिडियो एक्सरे लगायतका सेवाहरू थपगर्दै लैजानुभयो। मृत्यु पश्चात् पनि संघर्ष गरिरहेका मृतकका आफन्त जनहरुलाई सहज बनाउनका निमित्त पहिलोपटक पोस्टमार्टमको सेवा सुरु गर्नुभयो ।
चिकित्सकीय अध्ययन निरन्तर अघि बढिरहने हुनाले उहाँले मेडिकल अधिकृतमा मात्रै सीमित नभएर उच्च शिक्षा हासिल गरेर अझै दक्ष विशेषज्ञ चिकित्सक भएर बिरामीको सेवा गर्नको लागि अगाडि बढ्नुभयो । फेरि पनि कडा प्रतिस्पर्धात्मक एमएस परीक्षाको छात्रवृत्तिमा नाम निकाल्न सफल भई हाडजोर्नी विशेषज्ञ पढ्नका निमित्त राष्ट्रिय ट्रमा सेन्टर काठमाडौँमा अध्ययन शुरु गर्नुभयो। एम एस अर्थोपेडिक सर्जनको विशेषज्ञता हासिल गरी डा. किशोर फेरी कर्णाली बासीकै जनताको निमित्त सेवा गर्छु भनेर जन्मभूमिमै फर्किनुभयो ।
अर्थोपेडिक सर्जनको रूपमा उहाँले दिनरात कर्णाली प्रदेशको भौगोलिक विकटताले छटपटाएका हरेक दिन चोटपटक लाग्ने, कोही भिरबाट लड्ने, कोही घाँस दाउरा काट्दाखेरि लड्ने जस्ता किसिमका कहाली लाग्दा चोटहरूको उपचार गर्ने उहाँको सपना साकार हुँदै गयो। जस्तोसुकै बिरामीको लागि पनि समान व्यवहार गर्ने, समान उपचार गरी आफुलाई सबै बर्गका बिरामीको डाक्टरको रुपमा स्थापित गर्न सफल हुनुभयो। हाल डा. बिष्ट प्रदेश अस्पताल सुर्खेतमा हाडजोर्नी तथा नशारोग विशेषज्ञ रुपमा कार्यरत हुनुहुन्छ।
डा. बिष्टले आफ्नो शालिनता, धैर्यता र दक्षतालाई ध्यानमा राखी उचित परामर्शको साथमा ज्ञान, सीपला प्रयोग गर्दै बिरामीहरुको उपचार गरेर कर्णालीकै रोजाइमा पर्न सफल हुनुभएको छ।
