काठमाडौं, ५ पुष २०८१
ट्रु डर्मा कम्पनी फोर्ब्स इन्डियाको ‘२०० कम्पनिज विथ ग्लोबल बिजनेस पोटेन्सियल’मा छनोट भएको छ।
विभिन्न क्षेत्रमा सम्भावना बोकेका नयाँ उद्योगको प्रोत्साहनका लागि हरेक वर्ष उक्त अवार्ड हुने गरेको छ। अवार्डको लागि ६ महिनाअघि दरखास्त खुलेको थियो।
पाँच चरणको अन्तर्वार्तापछि स्किन सम्बन्धी औषधि उत्पादक ट्रु डर्मा कम्पनी छनोट भएको सञ्चालक सुशान्त मुरारकाले जानकारी दिनुभयो।
फोर्ब्स इन्डियाले भारतको होटल ताजमा आयोजना गरेको कार्यक्रममा सुशान्त मुरारका र दीपक जैसवाललाई बोलाएर अवार्ड प्रदान गरेको थियो। नेपाल तथा भारत जस्ता देशका उत्पादन विश्वबजार अमेरिका, युरोप, क्यानडा र अष्ट्रेलियामा पैठारी गर्ने विषयमा समेत जानकारी दिइएको मुरारकाले बताएका छन्।
