काठमाडौं, २८ भाद्र २०८२
नवनियुक्त प्रधानमन्त्री सुशीला कार्की जेनजी प्रदर्शनमा घाइते भएका युवाहरुलाई भेट्न काठमाडौं उपत्यकाका विभिन्न अस्पताल जाने भएकी छन् ।
शुक्रबार राति प्रधानमन्त्रीमा नियुक्त भएकी कार्की केहीबेरमा वीर अस्पतालको ट्रमा सेन्टर अनि बानेश्वरको सिभिल अस्पतालमा उपचाररत घाइतेहरूलाई भेट्न जान लागेकी हुन्
यस्तै कार्कीले जेनजी आन्दोलनका क्रममा आगजनी भएको कोटेश्वरस्थित प्रहरी चौकी र महाराजगञ्जको प्रहरी वृत्तको पनि निरीक्षण गर्ने छिन् । प्रदर्शनकारीहरुको आगजनीमा कोटेश्वरमा केही प्रहरीको ज्यान समेत गएको थियो।
जेनजीको प्रदर्शन तथा आन्दोलनमा अहिलेसम्म ५१ जनाको ज्यान गएको छ भने सयौं घाइतेहरूको अस्पतालमा उपचार भइरहेको छ ।
